الشمري من طيب راسه وطيبه
به ميزة ٍ عدّت حدود المروات
لاثارت الفزعات .. لاتنتخي به
لأنه يثور من الطنا دون فزعات
(الشمري ! عيبه ! وعيبه ! وعيبه !
إليا ارتكى للحمل شال الثقيلات ) ..
الله خلق الشمري للمصيبه مصيبه وانشهد بالله ان اصغر شمري اذا انتخيته تلقاه بيمينك شمر مكرمين الضيف ومزبنين الدخيل اطيب ناس شمر
المشاركة الأصلية كتبت بواسطة فاطمة الشهري
الشمري من طيب راسه وطيبه
به ميزة ٍ عدّت حدود المروات
لاثارت الفزعات .. لاتنتخي به
لأنه يثور من الطنا دون فزعات
(الشمري ! عيبه ! وعيبه ! وعيبه !
إليا ارتكى للحمل شال الثقيلات ) ..
الله خلق الشمري للمصيبه مصيبه وانشهد بالله ان اصغر شمري اذا انتخيته تلقاه بيمينك شمر مكرمين الضيف ومزبنين الدخيل اطيب ناس شمرلطيب ساس وشمر عزها فيج
ان ضاعت علوم الرجاجيل انخاج
انا تفاخر فيج وافخر بطاريج
الله يعز الي على الطيب رباج ؟؟
يمكن يجيك وينصرك من ورى الصين
يطوي المسافه وينذبح لانتصارك
ويمكن تبيع ادماك ناس قريبين
ويمكن يخونك ساكن اسنين دارك
ومن راد في هذا دليل وبراهين
في محكم التنزيل تلقى قرارك
شوفه بنوح ولوط وموسى وياسين
وسادات مكه اوغلو فحتقارك
شوف الموالي كيف ذادو عن الدين
نالو فخار ومجدهم في وقارك
يمكن ضعاف احساب لكن كريمين
بشوف العرب وترابهم اتبارك
وكم من كرام انساب لكن رديين
حلمه تنال من الشرف واعتبارك
وش عاد لو طبيت لندن وبرلين
دام المذله شامخه بوسط دارك
ماتت الكرامه في عيون المعزين
ماتت بها الغيره وهانو جوارك ؟؟
والله لولا سنه الله بالعيد
من فشلتي ماقلت عيدك مبارك
ماجيت اعايد بالمصيبه المقاريد
ناس طموحه دون كل اقتدارك
تنزف جروحه في حروفي قواصيد
ودم الشرف مازال لليوم عارك
من كثر ماطاحت نخيل وعناقيد
طاحت شموخ القافيه بافتخارك
ومن كثر ماشفنا حثاله وقواويد
ماعاد نعجب بالحقيقه بدمارك
مدري على منهو تلوق الاناشيد
لاصار يشهد موتتك واحتضارك
اكبر مصيبه شفتها في حياتي
المنقطع لامن بكى موت غاليه
الامر اكبر يارفاقي وخواتي
لامات بالرجال هقوه اناثيه
كم حره تصرخ عطوني عباتي
صاروخ شتت دارها ومن سكن فيه ؟؟
ملتني اوراقي كثر منزف اجروح
حبري دموع ولوحه احساسي احروف؟؟
طفله من الفلوجه فقدت كل عائلتها
وبقيت وحيده في مخيمات النازحين
حسبنا الله ونعم الوكيل
حنا ورثنا فقرنا من كرمنا
يالي ورثتو من رداكم غناكم
صحيح نعدم مال بس ماعدمنا
يامن عدمكم حايلن عن عطاكم
ولو نطعم ضيوف الشرف من لحمنا
نسدهم بالواجبه عن عشاكم
وعلى كثر مداتنا ما ندمنا
لو ملحنا ماهو مغزر معاكم
ومن لا حشم جيراننا ماحشمنا
يالي على الجيران بين رداكم
قالو تقدم بالبلاد وقلنا
تسعين عام عن الامم ردينا
الناس عاشت في قصور فخمه
امن وامان ولا درو وش فينا
وحنا بلهيب الصيف عشنا بخيمه
ياليتنا نرجع لبيت الطينا
ليت العرب ترجع على فطرتها
وتنسى الخلاف الي رضا يمحينا
اذا انتخينا بالخليجي جانا
واذا نخانا عندهم يلقينا
والله لو يحصل كلامي هذا
ستين دوله تعجز اتلاوينا
تره الرجوله بالشرف تعطي القاح
ماهي رجال للنسا والنكاحي
ولليوم بعض الناس لاقلت طلفاح
تفطن على جروح تشابه جراحي
المرء دون العرض والارض ذباح
افهم كلامي يافتى ان كنت صاحي
ياصغير مايكبرني لقــــــــــــــــــــب*** ومايصغرني إذا أنكرني صغـــــــــــــير
ماخذينا الصيت من جمع الذهـــــب*** ولانسابة شيخ أو قربة وزيـــــــــــــــــر
كاسبينه من هل السيف الحـــــــــدب*** الجنايز كان ماجاك النــــــــــــــــــــــ ــذير
صيتهم نجم على راسه نهــــــــــب*** سمعوا الصقهان به وأجهرضــــــــــرير
في الوفا تاريخ أبيض ينتصــــــــب*** لا حكوا بالحق حيين الضميـــــــــــــــــــر
ضيغمياً للسنا عيسى انتســــــــــب*** لابة ظل نابها عرش كبيــــــــــــــــــــــ ـر
عند حدك ياكثير الهرج تـــــــــــب*** ولاتمر النار وثيابك حريــــــــــــــــــــــ ــر
كان لك عز بذلي اتعقــــــــــــــــــب *** والله إلا تبطي وحبلك قصيـــــــــــــــــــــر
أحسب أنك من صناديد العـــــــرب** أثر ساترتك عباتك ياغريــــــــــــــــــــ ــــــر
ما حسب للسوس ذراع القصـــــب*** والقراده مادرى عنها البعيــــــــــــــــــــ ــر
ولو حسبنا للحسايف والتعــــــــــب *** مابذرنا يالعصافير الشعيــــــــــــــــــــ ـــر
عن هلك ابراي لله وأحتســـــــــــب*** الرجال اللي مجاراهم عسيــــــــــــــــــــــ ـر
من قريش المصطفى وأبو لهــــب*** والدغالب ماغشت عتمه غديــــــــــــــــر
للرجال الرجاجيل العتــــــــــــــــب*** والزكاة تحل في حال الفقيــــــــــــــــــــ ـــــر
لعنبو وقت غيدنابه حطــــــــــــب*** تحرقه نارٍ يثورها أجيــــــــــــــــــــــ ـــــــــر
ما ألومك الزمن سوى العجـــــــب*** هو بقى غير الكرامه للجفيــــــــــــــــــــ ــــر
ما أزل وراسي يشم المهـــــــــــب*** لوبقى من شمر طفل غــــــــــــــــــــــــ ــرير
وما أهاب ولا يزلزلني غضــــب*** الشجاعة ورث والعاقل غزيـــــــــــــــــــــر
ياصغير مايكبر باللقـــــــــــــــــب*** غير منهو كان من دونه صـــغيـــــــــــــــر
الله يرحم الامير طلال الرشيد ويسكنه الجنة يا رب
قصيدة تجسد معنى الشموخ عند شيوخ العز والأصل الشريف مقابل شيوخ المال والترف
رد مع اقتباس
