المشاركة الأصلية كتبت بواسطة رسـيـــل_*
متابعه
نتشرف اختي هلابك
متابعه
نتشرف اختي هلابك
انتا لنا تاريخ وعلوم واخبار
ونتا لضعيف الحال عزه ورجوه
واليوم ماهو زين وضع العرب صار
وطمعت بهم حتى الحصاني بغزوه
هذا الزمان اللي به المجد ينهار
الله بلانا بالهمل غير بلوه ؟؟
انتي الذي لاحل اسمك وطاريك
الله وكيلك ينتفض خافقي نفض
طيفك يعوض في غيابك معاليك
واليا حضرتي يبتسم كوكب الارض ؟؟
المال مايرفع ذليل على العز
والفقر مايوطي العزيز ويذله
تدرون وش اللي يعتبر للبشر كنز ؟؟
ان شكيت لله عن المخاليق كلها
ناس تملي كروشها بطبخه الرز
وناس تكابر جوعها وماتمله
كم من بسيط واصبح بديرته رمز
وكم من عظيم استباحوا محله
ويلي تشوف العز في ذلتك عز
الموت اشرف من حياة المذله ؟؟
ناس نحطها بوسط ارموش العيون
وروحي العزيزه لو يبوها فداهم
وناس على ماقيل خاسين وعفون
ليت ربي يوم عطاهم خذاهم
لي الفخر ان مت ماقلت تكفون
الله حشمنا عن الردايا وسواهم
قالوا تهون وقلت يايوسف تهون
عز الله هانت والكرامه بلحاهم ؟؟
دام الوطن اكبر حبيب بحياتك
بالله لاتشكي طعون المحبين
هذا الذي بموتك يكرم رفاتك
ويوم انت حي قيمتك فيه فلسين
لو تبلغ نجوم المجره بغلاتك
ماتبلغ اعتاب المحبه والحنين
تبقى الضحيه والقضيه بجناتك
اللي على موتك تعيش الملاعين ؟؟
ايران افعى للعرب والله ومصيبه
من دور كسرى جرحها حي ماطاب
اقرأ تعاليم المجوس العجيبه
ثلثين تاريخها يسبح بدم الاعراب
ضاعت الكرامه وانتهك عرض هيبه
وامسى الوطن من حقدهم حفنه تراب
ياصفحه التحرير صفحه معيبه
ماتستحق تصفيق من كف كذاب ؟؟
ياللي تحج البيت و العمره مرات
ارجوك تعطينا منك اجابه
ان كان عندك دين ولا عبادات
وين الفقير اللي دقيت بابه ؟؟
ملعون ابو حيك روحه و جيات
ما سوى سواتك حتى الصحابه
ان كان تحب الله و عندك مخافات
اولى تخاف الله وشده عذابه
كم واحد جوعان شاف المذلات
تشوفه بعينك ولا تحسب حسابه
اطعم فقير لحاجته بالخلا بات
ان كان تخاف الله و فعلا تهابه
الله يحاسبكم و عنده سجلات
عند الله مكتوبه اعمالك كتابه ؟؟
دخلو باسم الدين وضيعنا الدين
بالفتن والتكفير همه غزونا
لا واحد يصحى ولا حنا بصاحين
المهم عند العرب تشبع بطونا
اكيد مجنونين وهم مجانين
خيراتنا راحت و هم اسرقونا
شيوخ الفتن والكفر تجمع ملايين
باموالنا ياناس هم اذبحونا
الجوع ماحس به غير المساكين
حكامنا والله عصر اعصرونا ؟؟
اكبر خيانه العرب خانو بها النفس
خانوها وباعوا اخلاق الاسلام
عشرين دوله لنا افعالنا العكس
ماشفنا غير افعال تكتب بالاقلام
افعال كل العرب باطل وبها رجس
الشيطان راكبانا من ورى وقدام
لادين لادنيا نركض ورى الفلس
القدس بعناها وبغداد والشام
بعنا كرامتنا للروم والفرس
وشرتنا اسرائيل ولها صرنا خدام
اشراف كل العرب اليوم بالحبس
فقدنا عز العرب مع موت صدام
اسكت ولا تقاطعني لا لا لا تنفس
بس الله متكفل بنصر الاسلام ؟؟
رد مع اقتباس
