جيتك تدور بالمدينه بقايا
وجيتك ادور بين الاحياء حيين
ماجيت اكذب للصحافه بروايا
واطلال شعب كل ابوهم مطاعين
اللي على الناموس واللي بشضايا
بالمختصر قل حالهم ماتسر عين
وجيتك اعزي بالطنايا الطنايا
وجيتك اعزي بالقبايل عناوين
وجيتك اعزي بالملوك المطايا
وان قلت اخو هدله نعزي ملايين ؟؟
لو الضما يجرح لهاتك ويدميك
وكنك وصلت بنزعتك شهقه الموت
كان اعتبرت بريق ضامي وثق فيك
ولاكان من ارضك عليه العدو يفوت
مدري نعابي الوقت والا نعابيك
بيدك شمخ كم بيت وكم طاحت بيوت
صوت العرب ماهز طبله اذانيك
لين انقطع بالمنتخي هقوه الصوت
يوم العذاره عن البكاره تناديك
وش ينفع ردك عقب فايت الفوت
يومك عجزت تخيط ثوبك بأياديك
بالمال والأذلال فصلت ابشوت
غرك لذيذ العيش وخدمه مواليك
الجوع كفر ولئم الاقراب طاغوت
مابلل البترول ريقك ويرويك
وان جعت ماتاكل زبرجد وياقوت
ون مت زي الغير ندفن معاليك
من برجك العاجي على ضيق تابوت
جيتك ألبي الله ماني ملبيك
لا والذي نجى نبيه من الحوت
ماجيت ابي امرك ولاني بناهيك
طاح الحيا ياناس مع طيحه التوت ؟؟
تخنق العبرات افواه الحروف
بخيبه الامال في اقرب خوي
تنتخي مرات بالازمه هنوف
ويتخاذل عنك كم رجال قوي
الما وقفلك عز في هذي الضروف
لايسولف طيب عن طيب الخوي
مارجفنا برد باليل الشطوف
لايشك الغير ضلعي مو سوي
خاف بعض الناس تفهم بردي خوف
ياشغاف القلب بالله احتوي
لو تحوف الضباع قله خل تحوف
بالضلوع الحدب لي ذيب يعوي
والكلام احيان امضى من السيوف
عند بعض الناس وعندي كبدوي ؟؟
مايضيع الطيب ببطون الرجال
لاتظن الطيب يذهب ويغدي
يذكرك راعيه ان جاله مجال
ويرفعك لاشك لانه اجودي
بالشدايد تعرف اولاد الحلال
وبالرديه تعرف من اصله ردي ؟؟
تدري جروحك بالحشا ومهجتي اوساع
اطعن خفوقي وبالألم لاتبالي
عمق صوابك واخترق صلب الاضلاع
شفني على حبك يزيد احتمالي
انت طعونك نزفها يولد ابداع
ويطلق صدودك بالفضا للخيالي
وصلت في حبك حدودي من الاشباع
ياهل ترى انساك سابع محالي
بالمختصر لو شان حالي والاوضاع
تبقى حبيب العمر اول وتالي ؟؟
ياسمو الريم هدي بالخطاب
واحشمي يوسف من حشمه هله
وارتقي ياريم من فوق السحاب
يا وريثه عز ذيك المرجله
ماخذلنا غير اصحاب الجناب
ياجناب الشيخ شوف المهزله
مايفيد اللوم واسلوب العتاب
ولايرد المجد شيله زلزله
ولانتخت شيبان قومي والشباب
ياعنود الغيد منهو يخذله
الصعاب تريد ياريم الصعاب
وصوت اهل الحق اكبر قنبله
والكلاب تظل للاخر كلاب
مايزيده عز ظبي تقتله ؟؟
التعديل الأخير تم بواسطة يوسف الشمري ; 27/July/2018 الساعة 8:57 pm
استباح الهم كلي يامناي
واضرمت نيران بعدك بالحشا
ليتها في يوم ماقالت غلاي
ولا ذبحني بقول عذالي مشى ؟؟
تدرون وش اللي يقسم القلب نصفين
غربه بلاد وموت شخص تعزه
المشكله مابينهن فرق الاثنين
يطرن علي في كل وقت وحزه
نبقى على حبك وظلمك يعراق وافين
اوفى من اللي ماتوا بحرب غزه
طاح الامل طيحه كسير البعارين
وكلن خذاله من المعاليق حزه
اااااه وويلاه بغداد الشقا ليت تدرين
لامن حضر طرياك يافز فزه
فزة كريم والمواقف سكاكين
ويصبر على ميل الدهر لا استفزه ؟؟
مايردعه قانون ولايثلمه دين
اللي على دموع الارامل غذاها
جيتكم ابكي مثل كل المساكين
يا اهل النقا واهل الشرف والنزاهه
حتى البهايم لها اصول وموازين
لوهي ضليله تاخذ اللي كفاها
وبعض البشر فاقت حدود الحواوين
ألا وزادت من جشعها الشراهه
والمشكله سادوا جميع الميادين
امه وبلاها ربها وابتلاها
وشوف الوطن دايم يبيع المساكين
وتضحي من اجله الفقارى بضناها ؟؟
رد مع اقتباس
