الناس تجمع مال وتعمر بيوت
ولحدن يحسب احساب لاخر حياته
مايدري انه اخر العمر بيموت
وسط الكفن ملفوف هذا عباته
ملك البشر بالارض قبرن وتابوت
بخيت منهو يندفن في مماته
طحنا بوهم الدين وابواق الاسلام
والقدس ايفانكا تغازل وزيره
ياشيخ بوحك كذب وافتائك اسهام
من ظيمها شفنا مصايب كبيره
من منكم مثلي نازح وعنده احلام
انه يعود لديرته دون غيره
ومن غيركم ساعد على اعدام صدام
ومن غيركم خلا الطوائف بحيره
كرهي لكم ماهو من اليوم والعام
كرهي لكم من يوم جيت الجزيره ؟؟
كذبه عروبه امتي يابدر خان
اكبر حقيقه واكتشفناه كذبه
امه وتموت بسيف قاسم سليمان
ونصفه يعيش بكل الارجاء غربه
لاتخدعوني مليت من كذبه اخوان
ادري عرب مستعربه وفيه عربه
بس الحقيقه الكامله دون نقصان
مابين غزه وبين نجران قربه
وندري العلاقه بين مسقط ولبنان
عشق الامام وقربه القوم تربه
ماشافت الصومال يابو ظبي احسان
والكويت مافكت عن الشام ضربه
وبغداد صارت ياعرب في خبر كان
وسيف المغول مفتت اليوم قلبه
واللي بكى القوقاز ويبكي الشيشان
وقبله بكوا لاخواننا حروب صربه
كذبه كبيره وتدركه كل الاعيان
وكلن لهم ببلادنا اليوم سربه
الناس تكذب وتقول كذبه بنيسان
وحنا الفصول الاربعه نعيش كذبه ؟؟
قالو قديم السير من يدهن يسير
وهذي المعاني شفتها بالجماعه
لا صار حصل من خويه دنانير
ينفذ له المطلوب سمعا وطاعه ؟؟
حنا نحب الله لكن عصيناه
وكرهنا الشيطان لكن نطيعه
بالقول كل الناس الله ترجاه
ولا واحدن منا مطبق الشريعه
غش ونميمه وربا وفساد شفناه
والقذف بالاعراض صارت طبيعه ؟؟
الارامل دمعها علخبز سال
تشحذ وتجمع عيشها من الزباله
والبعض الاخر للأسف صار نشال
وفينا الايادي قاصره لانتشاله
وبنت الشهيد بعوزها لبسها سمال
اذا تشقق ثوبها تسويه شاله
مات الرحم بقلوبنا ليه يرجال
ولا الترف قسى القلوب بدلاله
المسلم اللي قدوته لاعب ريال
وابطال يوفنتس تعيش بخياله
هذا مثل قصرن فخم ساسه رمال
لا تامن بسقفه ولا في ظلاله
فاضي من الداخل ولا هو برجال
المايهزه بأمته ماجراله ؟؟
كفار لكن عندهم مبدا اخلاق
ياناس شوفوهم وعطوني الحل
واحدنا لاشفته يقطع لك ارزاق
امعصب وينفخ دوم يتململ
شريفنا اليوم بالدوله بواق
ولايسال عن الشعب لو الدمع هل
المهم يجمع مال للشعب سراق
تسعين بالميه ولا نشمل الكل
المسلم اخلاقه صارت ورا ارواق
العار راكبنا والخزي والذل
بعض الخلق وضعه ماعاد ينطاق
واللي يقول الحق قالو له مختل
يالله يارحمن في ساعه اشراق
يالله ما غيرك للخير يرسل
من شمر ومن نصاهم ينصفونه
والغتر وقت الشدايد يحذفونه
والمعادي بالمعارك يرهبونه
والشجاعه ما اجت شمر هديه
الوفا فينا والفزعات فطره
دوم سيرتنا ما بين الناس عطره
حنا ديم كان بعض الناس قطره
والمواقف شمريه شمريه ؟؟
التعديل الأخير تم بواسطة يوسف الشمري ; 6/March/2018 الساعة 12:14 am
الرجال تعرف نظرات الرجال
وانت اخبرك بالمراجل ما صملت
لا تسولف لي عن اجدادك تعال
انت بعد فعلوهم و شهو فعلت ؟؟
رد مع اقتباس
