كل الحشود البائسه جابها المال
ماجت على شان الشرف والكرامه
ناس معاشها عالثكالى والاطفال
بئس الحياة وعيشته عاليتامى
واليوم اطفال العرب حالهم حال
حرب ومجاعه ونصفهم عالقمامه
ومن باعنا بدينار وجنيه وريال
حنا خصومه اليوم ويوم القيامه
قلتها وحقي وازنه وزن مثقال
لي لابه راس الجزور وسنامه
بصدري عتب تاريخ مجد الصحابه
اللي حرق في داخلي دم واعصاب
كنا اسود الارض كنا ذيابه
واليوم تنهش لحمنا حفنه اكلاب
ماعاد يوصل لنا خرج السحابه
والمال بيته دوننا سكر الباب
الغيض شقق صبرنا في حرابه
للعظم وصلت مابها ضمه اهداب
مجلس الامن وكل الامم هي عصابه
تفني شعوب وعذرها حرب الارهاب
لو الرسول يعود هو والصحابه
الا تطير من العرب روس ورقاب
هزت ضمير الكون باقسى عباره
واهتزله عرش الولي رب جبريل
صوره وبثت بالضماير مراره
ومن شافها مانام ساعه من الليل
صوره وزادت بالكبود انفطاره
وشلون بلي عاشها بالتفاصيل
يهتزله عود الشجر والحجاره
وكم من حجاره ينبثق منها سيل
ماهزت الاوغاد ولد الدعاره
لو صاحن العذرا مامن رجاجيل
كم من عجوز شلحوها خماره
وتصفق على الكفين راحوا هل الخيل
وكم شيخ قوم ماحمى بنت جاره
ماينتخي من دونها بصيحه الويل
من لاخذا بهول المصيبه قراره
يبقى على ماقيل ذيل ابن ذيل
بعض الامم داست على جروحها دوس
من مبدأ انكار الهزيمه هزيمه
واستلهمت نكساتها واعطت ادروس
وارست شموخها عالجروح الأليمه
ألا العرب ماتوا مع موته القوس
وعاشوا على مجد الليالي القديمه
والحاضر المخزي غدى اليوم كابوس
ولا عاد لذه للحياة ونعيمه
ادري الصراحه تجرح جرح الموس
وادري نشوفه من الجرايم جريمه
كافي نكابر بالكلام على البؤس
ونص العرب مابين خيمه وخيمه
ناس تغطي عارها بحفنه فلوس
وعجزت تغطي من رداها حريمه
صحيح مانملك سوى فراش وخيام
وما عاد نملك ما ملكنا بيدينا
كل شي راح واحترق حتى الاحلام
وغير الكرامة والشرف ما خذينا
اجمل تفاصيل الشتاء شبه النار
لا صرت قاصر خطوتك في مشبك
بينك وبين اهل الغثا باب وجدار
مركاك بين اللي تحب ويحبك
مُتابع
المشاركة الأصلية كتبت بواسطة ابا الفضل
نتشرف اخوي هلا ورحب
بس الشريفه تنجب ارحامها ارجال
والعاهره تنجب ذكور وأناثي
اللي بصاع المنكره اليوم تكتال
يكفي عليها الذل والعار جاثي
ولا كل رجال نشوفه بالشوارع رجال
ولا كل الأناثي بالشوارع أناثي ؟؟
انا سحاب يمطر الوجد همال
يرثي المكارم بالعيون المراثي
وان كان يفخر بالردى بعض الانذال
انا اسطر بالقوافي تراثي ؟؟
ماننخدع بألقابكم والاسامي
كلن على شانه وشانه يسويه
ماشفت اخو فلوه بعيد المرامي
ماظلت انثى مابكت موت طاريه
صاحت وزجت صوتها وماتلامي
عزوه بلد ماهي كثيره تعزيه
وعجيل عز الشمريه العصامي
ستر العذارى مايغربل اناثيه
رد مع اقتباس
