مرحبا شباب وصبابا
الملل يصيب الجميع و خاصة اذا جنت وحدك ومنعس
وبالليل ومكابل النت وتشوف كُلشي صاير بي ممل
وانت ضايج تدخل هنا بهذا القسم
وتطلع من هذاك القسم
وحضرتك دتتمشة بالمنتدى
حتى من الملل والضوجة ما الك خلك تعلق على موضوع
وكل ساع مسوي أُوووووووووووف ( لا نطير يمعود )
و تفكر و كأنه بلاوي الدنيا كُلها فوك راسك
بس دتعال هنا وخلينه نسولف شوية شبيك صاير نار وشرار ومتتحاجة علكيفك ترة الدنيا متسوة
بس تعرف شغلة وبيناتنه الحجي
انت غلطان !!
اي نعم انت غلطان و نص مو عبالك دا اتفلسف براسك لا لا مو هيجي
هسه اني اكُلك شلون انت غلطان
يعني انت تشوف كُلشي ماكو حلو مو هالشكل طيب اجي وياك ( لا تخاف اجي وياك و الكروة علية)
يا اخي مواهبك وين راحت خلينه نشوف ابداعك ..
يا عم لا تحسبة ابداع شخبط شنو اللي بالك شخبط ( شلون يعني اجيبلك نانسي تغنيلك شخبط شخابيط)
شنو اللي دتفكر بي هسه خلينه نشوف شدتفكر مهموم نكدر نساعدك ..
ضايج وعيونك نكدر اضحكك ..
شبيك ادري غير تحجي ( مو ضوجتني وياك وراح اطلعلك من الشاشة)
يعني افتح قلبك هنا و اكيد راح تلكة اللي يريحك
تعرف ليش لان اني هم مثلك جنت ضايج واجتني فكرة هذا الموضوع
وتعرف شغلة لخ راحت الضوجة لان كتبت و ارتاحيت و عبرت عن ما بداخلي ( جنت ضايج )
وتعرف شغلة راح اخليها تريحك اكثر ..
انه اكو اعضاء يهتمون بيك من صُدك لان هم حاسبيك انت فرد من عائلتهم ويخافون عليك
و يسعدهم ان تكون انت مرتاح و هذا مرتاح وهذيج العضوة هم مرتاحة اللي كاعدة هناك دتشوفها مو ؟؟ شبيك هذيج هي كاعدة بالطرف
شلون كعدة حلوة تخبل فنك تعرف ليش حلوة لان هي عضوة بدرر العراق (فديتهن عضوات درر العراق خواتي الله يخليهن)
اها اتذكرت .. عندك مدير فد شي رووعة تكدر بأي وقت تراسلة وتسألة و تسولف وياه وابد ميمل منك ( بس لا ياخذك الواهس الرجال عنده شغل مو تطول وياه )
وعندك نواب المدير الله يخليهم يعني همّ اعمدة المنتدى صدكني اي شي تحتاجة جربهم وشوف
وعندك المؤسسين اللي تتمنى يكونون ضمن موضوعك اللي تكتبه انت مخسران شي جرب وشوف بعينك
وعندك مراقبين عامّين ماشاءالله عليهم عين الحارة باردة شغلهم مرتب تابعهم وشوف بنفسك تعبتني بالكلام وياك بس تستاهل و السوالف وياك حلوة ومينشبع من الكعدة وياك
وعندك مراقبين قدامى يعني متميزين وين متروح تلكاهم كدامك وبس يعجبك تشوفهم
طبعا من غير المراقبين على الاقسام اللي كل يوم يدخلون ويردون على مواضيعك و انت اكيد تكيف من تشوف ردودهم الحلوة
ومن تجي على الاعضاء اخوتك وخواتك اسكت ولا تحجي بعد لان انت منهم و بيهم ويشيلوك بين عيونهم وفرحتك فرحتهم وحزنك حزنهم ( الله لا يجيب الحزن لأحد )
وهي هاي اجمل عائلة
عائلة درر العراق
وهسه سولفلي بعدك ضايج لو جنت ضايج ؟؟
اتمنى الموضوع نال رضاكم واعجابكم
وفكرة الموضوع بالفعل كنت ضايج
و عجبني اكتب عن المنتدى وعن اللي حسيته خلال تواجدي وياكم
لكم مني ارق التحيايا وأعذبها
رد مع اقتباس
المشاركة الأصلية كتبت بواسطة زينب النجفية
