شأكلك واني روحي تعلكت بيك
وبعد صدك مااجيبك على البال
بوسط البال اجيبنك واخليك
ولااصيحك بعد باسمك يمحبوب
بعد (بيك انا هايم) راح اسميك
اذا مو يمي تبقى الروح وياك
شيصير لو بالروح اخليك
وانت بعيد احسك بية موجود
واذا مو يمي يم الروح احس بيك
كلشي ولا اشوفك مني زعلان
واذا زعلان مني بدمعي اراضيك
انت وياي شجرة ورافكت الماي
وانطتك عمرها شرايد بعد انطيك
بطلت البواجي على اليروحون
وعليك دموعي تنزل من احاجيك
عليك تعودت صرت اني وياك
واذا وياك كلي شلون امر بيك
صدك يلـ أحبّك ماتجي وياك
وإذا اكلك احبك ماتكفيك
رد مع اقتباس
