...
..
.
گلبوني عـ الصفاح
وعـ البطن
وعـ الضهر
گالو انشبعك قهر..
گلت اموت اعله القهر
گالوا انته وين رايح
ولك والجنه بعيده
وانته صارتلك جهنم مستقر
گلت اسافر
هاا اتسافر ياسفر ..!!
قبل ما انته تسافر جيب السنين العشتهن يابشر
هاكم اسنيني العشتهن قسموهن
قَسموهن ماطلع بيهن شهر
ثمه انته شجابك النه ولك موش احنه محطه
عمي كون انتم محطه
بس اگلكم شنهو معناها المحطه بلاسفر
المحطه ابلا سفر تكسر الخاطر
والقطار يضوج اذا قبط فراغ
القطار بديرة أهلي اسمعت بي قبط فراغ
طلت فرصه خل أسافر
اجيت ملهوف ارد أسافر
سدوا ابوجهي المحطه .. و شگگوا كل التذاكر
گالوا ابقه ...ابقه باجر !! .
ردت اگلهم ليش
گالوا عطل عدنا بمعرفة من يستحق ياهو اليسافر
ابقه باجر
اليوم خلصه بأي طريقه لهي نفسك بالجگاير
وخلصت أوراق الجگاير والمعامل عزلت خلصت جگاير
واني أعيش اليوم نفسه
وماكو باجر .. ماكو باجر
تالي أحس الشيب أخذني..
وعتني عت صوب المگابر وردت ادخل
گالوا حاجز گبر انت....گلت لا
گالوا ابقه ... گلت حاضر
لا رضوا بيه اني أسافر لا رضت بيه المگابر
گلت احسن شي انام العمر كله
زين انه شلون انام العمر كله ..
لازم اشرب عمري كله
واشربت
ودخت
واسكرت
وأسلهمت نامت عيوني
واحلمت هم ردت أسافر بالحلم هم فتشوني
عبد الحسين الحلفي
رد مع اقتباس
المشاركة الأصلية كتبت بواسطة رجل كهل
