السلام عليكم
الصراحه اني قصتي كألاتي :
اني اتخرجت هايه السنة من الكليه وحبيت بيها وحده وناوين ع خطوبه هل الايام لان مثل متعرفون البنيه موفقها يكون اصعب من الولد
وشغله لخ والدي مو زين ويايه بشكل بحيث يهددني بالقتل ومرات يكول اطلع بره البيت يعني عصبي زياده واسلوبه ويه ابنائه مو تمام واني اريد احل مشاكلي وحده وحده يطلعلي والدي بهجي اسلوب يعني واقعين بين المطرقه والسندان
رتب وضعك وي ابوك قبل لتسوي اي شي او حتى تنطي وعد واذا بقت الحال كما هو من الافضل تترك البنيه تشوف طريقها لان راح تعانون
يا أخي بالأول أصلح حالك مع والدك و بعدين فكر بالارتباط .. الطاعه والاحترام أفضل سبيل لأصلاح العلاقة
مع الوالد و أكيد انتو الابناء سبب غلظ تعامل والدكم وياكم لأن الأباء احرص على الأبناء من غيره ..
بالعمل والكد على العائلة راح تعدل من العلاقة بينكم فحاول ان تجتهد وتلاقي عمل لتثبت وتفرض نفسك
و احترامك على والدك وحتى على أهل البنت المسكينة ... و مو صعبه لو تنتظر البنت فد سنة او سنتين
لحد ما ترتب أمورك بالبيت وتلاقي عمل .. مو ..؟
اتذلل لوالدك كما امرك الله (( واخفض لهما جناح الذل من الرحمه )) وبره وتقرب منه وبعدهه تعاله شوي شوي واللهم يوفقك
تحياتي .
الله يوفقك ويرزقك من حلاله
عن والدك تحمل وحاول أن تشق طريقك وتبادر لمستقبلك
وعن البنت لا تفرط بها واستشر من يعنيهم أمرك
اني اشوف انه هالبنت مستعجله عالمشاكل والعيال والطلايب وگالت الچنه وحچت العمة ،كلما ترتب وضعك وتصفي بالك كلما ترتاح اكثر بالزواج فمن الاخير كولها هذا وضعي وهذا اني رضيتي فبها مارضيتي شوفي قسمتج ..
راضي والدك الاب ميتعوض ما اتحس بيه الا لما تفقده واكيد عصبيته هذه لمصلحتكم جاي تضغطون كولش عليه ماصدگ تتخرج حتى تساعده النوب تعال زوجني..
اتمنى ماخيبت أملك تحياتي
رتب وضعك من الداخل
المشاركة الأصلية كتبت بواسطة Suzana
اني اشوف انه هالبنت مستعجله عالمشاكل والعيال والطلايب وگالت الچنه وحچت العمة ،كلما ترتب وضعك وتصفي بالك كلما ترتاح اكثر بالزواج فمن الاخير كولها هذا وضعي وهذا اني رضيتي فبها مارضيتي شوفي قسمتج ..
راضي والدك الاب ميتعوض ما اتحس بيه الا لما تفقده واكيد عصبيته هذه لمصلحتكم جاي تضغطون كولش عليه ماصدگ تتخرج حتى تساعده النوب تعال زوجني..
اتمنى ماخيبت أملك تحياتي
خلي تنتظرك شدعوه هالكد مستعجلة
بعدين بأي نعيم تريدون تگعدون وتزوجون
أذا انت مستعجل ترا مطاير الزواج واذا هي متريد تنتظرك الله وياها
المهم تبني حياتك ع اساس صح وضع مريح مو تزوجون ويجون أطفالك المساكين لهيج حياة وتتراكم العقد وتتأزم الأمور وتقعد في بيت الزوجية ملوما مدحورا
أتمنى لك التوفيق من قلبي
و(لحبيبتك الصبر والثبات)
شوف يا اخي ابوك هذا مناه لحد م ينتهي اجله مدري يجي اجله رح يبقى هيج
و لا راح يتغير ولا ابد ، حتى لو صرت ملاك
الاباء والامهات مو قديسين لو انبياء حتى بالنهاية بالنهاية تطلع انت الغلطان ،سبحانه يعني
اذا ابوك لهلدرجة سيء ، لتحتك بيه و كون نفسك شكد متكدر حتى تشتري او تبني لك بيت
اني لو منك اطلع اجار شقة و لا ابقى وياه
و لتكول خيال و مستحيل ، الي يريد شي و م يتموع ، يسويه شو م تكون الظروف ، ل تبقى مهزوم
داحسني مثل الچنة الي تحرض زوجها ع اهله
لا لا جديات ، ماعرف شنو شهادتك بس جمع فلوسك حتى تطلع من البيت
حتى لو ابوك ما قبل ، مالك دخل
و بالنسبة للاميرة هاي ، متعرف ظروفك او علاقتك وي ابوك مثلاً ؟
مو يكولون العشاق يبقون بالسراء و الضراء ، اذا هي مستعجلة ع الزواج ، كول لها اخذي ابن عمج و حققي حلمج السعيد بالزواج
ولو انت مرح تسوي اي شي من الي كلناه ، و ع الاغلب رح تروح تخطبها بدون موافقة اهلك و تصير مشاكل و تنفصلون و تكره حياتك و تدخل بدوامة الفشل بعد الشر يعني
اعذرني ع انفعالي
رد مع اقتباس
