خل احرگ عليكم الفلم شوية
هاي الظاهره يسموها "زخة شهب - meteor shower" او "شهب البرشاويات" الي يكثر حدوثها سنويا بالشهر الثامن
شنو هاي الشهب؟ ومعقوله بهاي الكثافة!؟؟
الشهب هاي هي مخلفات واجزاء صغيرة من المذنبات الي تدور بمدار حول الشمس ومن يتداخل مدار الارض وي مدار هاي المخلفات راح تدخل الغلاف الجوي كشهب بمقدار ٨٠-١٠٠ شهاب في الساعة بس مستحيل توصل للالاف بالساعة لان اقوى زخة شهب صارت ب١٩٩٣ وصلت بيها ٣٠٠ شهاب في الساعة
هاي الاجزاء او المخلفات(الشهب) حجمها يتراوح ما بين حبة رمل او حبة حمص يعني صغير كلش وما تبين من تصير شهب الا اذا كان مستوى التلوث الضوئي بالمدينة 1 او 2 واحنا التلوث واصل مستوى سابع من كثر الكلوبات الاقتصادية ،اضافة لضوء القمر الي يضيع اغلبهن بي
حتى لو حصلت سماء صافية كلش هم مراح تشوفهن الا على شكل ومضات طفيفة ومتقطعه، يعني ضوا طلقات عركات العشاير بالليل اكثر ضوا منهن
ناسا علنت عن انو هاي السنه مراح تصير كثافة بالشهب حسب ما قالت الكثير من الشائعات وراح تواجهون صعوبة برؤيتهن حسب ما صرح Bill cooke(مدير قسم دراسة طبيعة النيازك)
https://blogs.nasa.gov/Watch_the_Ski...w-of-all-time/
لا عبالكم الشهب راح تصير نفس الصورة، اذا نفس الصورة فشوفولكم غير كوكب من هسه
مخموطة من mero almusawy
رد مع اقتباس
