وحرت بين احجي البكلبي
وبين أعبرهن وأفوت
بين صرخات المواجع
وبين مشنقة السكوت
وشالوا بروحي الجنازة وعبروا الصوبين بيه
وبخت من تشوف كل ولايتك تبجي اعله موتك
بخت من تشوف جنازك حزين
من تشوف الناس كلهم رايحين
التذاكر
كلهه مختومة التذاكر
وبمطارات المنايا
صاعدين ونازلين
ودعتهن بيت بيت وما نسيت
اليعتب
اليعشك
اليكره
اليحب
اليصدك
اليوفي
يحلى موتك
من يمر تابوتك طويرة والمشيعينك مشارة شلب
وعبروني وهالوا ترابي وذكرت النسيته
ما بست محبوبتي السمرة برمشها
تذكرت لن ناسي موت
يا بنادم
كبل لا تندفن موت
عقيل العرد
رد مع اقتباس
