هنا

[أنثى حائرة]

السلام عليكم
عندي مشكلة وحيل محتارة فيها
اني خريجة سادس 2016
ومريت بظروف منعتني من الدراسة
بحيث ردت اترك الدراسة بس انا احب دراستي وطموحة وعندي اهداف ومستواي جيييد م رسبت ابدا
بس بالسادس كل شيء تغير فجأة
المهم نجحت من الدور الثالث وبمعدل61 وكانت صدمة لي مع أني كنت متوقعة هل شي ...
فتغيرت الاستمارةمثل ماتعرفون نكتب الرقم البطاقة وتطلع الكليات والمعاهد الي تقبلك فنصدمت بأنهاكلهامحافظات ومحافظتي ماكو الي هي البصرة
فتركت السنة
تأذيت من العطلة وغير كلام اقاربي على المعدل
ليش وشعجب وقليل وووو
فهذه السنة كلت اقدم من جديد
بس سمعت ان مااكدر اقدم مع دور الاول والثاني
والنا استمارة لوحدها فجربت ودخلت الرقم طلعت نفس الشي ماتغير شي حسبالي الترتيب يتفير
فهسه محتارة اذا هي نفسها الاستمارة او لا ؟
اقدم اولا
مع العلم اهلي مايقبلون اداوم محافظات واني أقرب النا محافظة ميسان وطلعلي معهد تكنلوجي بس م كدر اقدم ...
ساعدوني شسوي يعني من اقدم اكدر انقل للبصرة ؟
هي نفسها الأستمارة لو انتظر دور الاول؟
وكلية فنون الجميلة يصير أقدم الها مباشر؟
لاتقصرون

[Jonas]

ليش ما داومين كليه اهليه او مسائيه
حسب اماكنيتج يعني؟

[fairy touch]

اعتقد يا عزيزتي هذي التساؤلات يحتاجلها وقت حتى اي احد يجاوبها و يكون جوابه محل ثقة ..لأن ضوابط التقديم مالت هذي السنة ما اعتقد اعلنت ...ادخلي على موقع وزارة التعليم العالي و تأكدي بنفسج .
و لكل حادث حديث

[هــاجــر]

لو تزوري الجامعه.. وتسألي الدكاتره.. افضل.. ح يكون جوابهم مؤكد.. وثقه تامه.

وبلكت اكو قسم بالبصره يقبل بمعدلج..

[Evan]

والله عزيزتي هذا مستقبلج
لازم تفكرين جيد وتاخذين قرار
اني افضل اداومين اي كليه اهليه او مسائيه حسب امكانيتج
واكو بعض الكليات تقدمين طلب ويتساهلون من ناحيه الاقساط اذا الامكانيه ما تسمح
لان معدلج قليل وما واح يقبلج غير معهد ومحافظات
وكل السنه المعدلات تعلى ما تقل والقبولات ايضا
ففكري زين
وشوفي اهلج
وامكانيتهم
وبعدين قرري

[هــــــمــــــســـــــة]

كان المفروض تقدمين بالقبول المركزي مال عام والكلية او المعهد الي تقبلج ترقنين قيدج منها او تأجلين حتى يحقلج تقدمين إعادة ترشيح هل سنة والي يعتمد على حدود سنة التخرج مو ويه هل سنة والاعادة ترشيح راح ينسد بنص هل شهر واكو اجراءات يلا تكدرين تقدمين وعلى كلامج ميحق تقدمين بس مسائي او أهلي او موازي بالتوفيق عزيزتي