هنا

[محمد الدون العراقي]

[CENTER]تحذير...تحذير...تحذير

لعبة مريم خطر يؤدي بك الى الانتحار

اقروها يمكن تفيدكم ❤

#الكلام_منقول_من_بنت

بالنسبه للعبة #مريم
دا اجربهه
جبت موبايل فارغ مبي لا صور ولا شي خاص بيه وكعدت بمكان بعيد عن بيتنه ونزلت بي صور ناس اجنبيين وخليتهن بالاستوديو وثبتت موقع وهمي وهمين لزگت ورقه صغيره على الكامره الاماميه وسويت حساب وبي محادثات وهميه يعني بيني وبين جهاز ثاني واستخدمت اسم غير اسمي.. ونزلتهه وبديت العب بيهه . اول متنزليهه هيه حبابه تبقى تسئلج اسئله خاصه ومن تجذبين ح تگول الج اسمج الحقيقي اللي قرته بالجهاز او بالحساب او بالمحادثات وبعدين تجمع الصور اللي بلأستوديو (مال اجانب) وتبقى تهددج بيهن اذا متسوين فلان شي انشرهن وهمين تدزلج موقعج (اللي خليته وهمي ) وتهددج تجي الج اخير شي تكولج انتحري وراح تخليج تسوين اشياء تأذيج . وواللعبه مجرد ما توصلين لفل 4 بعد متنمسح ومن تدخلين ع غير برنامج تكولج اذهب الى مريم بحيث ح ينربط كولشي بهاي اللعبه .. هذا كول اللي عرفته عن لعبة مريم بجهاز فارغ ما بي اي شي .

[سَـبتـمـــر]

لعبه هيج!!هاي احنه اوين وصلنه الله يستر
شكرا الك

[محمد الدون العراقي]

اي اختي العزيزة الناس مريضة

اسعدني تواجدك

[Suzana]

اكو فد شي اسمه سياسة الخصوصية يعني شركة Apple تأخذ على عاتقها امر المحافظة على المعلومات الشخصية للمستخدم او الدخول غير المصرح به او الافشاء بتشفير المعلومات التي يرسلها المستخدم ،تقوم شركة Apple بتخزين البيانات الشخصية وتستخدم أنظمة كمبيوتر ذات إمكانية وصول محدودة، ويتم وضعها في مرافق باستخدام إجراءات أمنية فعلية.
لكن انت اذا شاركت التطبيق اواستخدمت غرف الدردشة اوشبكات التواصل فهذه المعلومات الشخصية والمحتوى الذي تشاركه يكون مرئي للمستخدمين الآخرين ويمكنهم قراءة أو جمع أو استخدام أي منهما. وتعتبر أنت مسؤولاً عن المعلومات الشخصية التي تختار نشرها أو إرسالها في هذه الحالات.
اي تطبيق ماينرفع عند متجر Apple اذا كان بيه خطر على خصوصية المستخدم گبل يجيك رفض بسبب بعض الميزات والتي تعتقد الشركة ان فيها تجاوز على خصوصية المستخدم.

لعبة مريم والتي اشتهرت مؤخرا والحچي اللي صار عنها بإعتقادي ماهي الا طريقة للترويج عن اللعبة يعني فن تسويقي لان معروف ان الانسان يحب الممنوع وحتى مطورها حسب ماذكر للعربية نت ان الاسئلة التي تطرحها البنت في مراحل اللعبة لا تحفظ
https://www.dorar-aliraq.net/showthread.php?t=774475
عذرا على الاطالة.

[هيثم الغراوي]

لعد اني شكلت هاي اللعبة مرعبة بس برأيي اذا نزله العراقي يخليها تشرد من العراق ابن الرافدين هذا