نصائح للعظامة
1/ من تطلع لعزيمه البس تراكسود او دشداشة ولا تلبس بنطرون وقميص حتى من تكعد كرشك ياخذ الوضع المناسب قبل بدأ المعركة .
2/ اول ما ينصب الاكل افتح بطل المي واللبن الي كدامك وعوفه ، لان اذا تتركه وتاكل ايدك راح تتدهن من التمن واللية ومن تعطش راح ينشلع كلبك يلا ينفتح،
3/ ارفع الصاعق مال قوطية السفن بلا ما تفتحهه ، قبل ما تبلش بالاكل لان من تتدهن ايدك بالاكل بعد مستحيل تكدر تفتحهه من تشبع .
ملاحظة .. كلتلك ( ارفع الصاعق ) و ما كلتلك افتح القوطية ،لان اذا فتحت القوطية من البداية راح يطير الغاز منهه و تضيع فائدته المنشودة ...
4 / اذا جنت معزوم على غدة بذاك اليوم لا تتريك و اذا معزوم على عشه بذاك اليوم لا تتغده ..
5 /حاول تعرف السيرة الذاتية للاشخاص الحظور واي واحد تعرفه يعاني من امراض السكر او الظغط او الجلطة .. روح اكعد مقابيله عالصينية لان اذا ممنوع من هذه الاكلات والصينية اوتوماتيكيآ راح تصفه الك بكل محتوياتها...
ودمتم للنضال
رد مع اقتباس
المشاركة الأصلية كتبت بواسطة المنسوجة من خيوط ضوء القمر
