تمشي حجايتي لو ردت امشيهه
الباله سوالف يستلذ بيهه
وأنه أبالي سوالف لاح بيهن شيب
يطلع راسها ومستحه مغطيهه
مسودن بالحجي
بس عاقل من العيب
وين الكه المسودن مثلي واحجيهه
ينراد الحجي المو زين للمو زين
ينراد وكلتها وما مسويهه
مرات الطفل ينطيك حل وراي
ومرات الشوارب ما تثق بيهه
يعجبني النخل ما دنك لفلاح
سلتك فارغة اصعد وحط بيهه
الما عنده جرح لا يلجم المجروح
العين الما تقدر الكحلة تعميهه
الشالت راسهه من أول المركاض
تدري الفوكهه معدل وراعيهه
بديلك نهر وأضحك إذا عطشان
وكطرة مسحاتك لا تبديهه
مو بس الهوى ينراد حته تعيش
عيشة بلا كرامة شلون تكضيهه
منقول
رد مع اقتباس
