سالت الروح ...
و الدمعه عله الخدين
شنو الترديه .... يكومه جروح
و احنه نطب سنة الفين
شتتمنين ..
راحة بال ..
لو ذرة وفه .. من كلب المحبين
لو فرحة عرس تتفصل عله الطول
لو ضحكة ..و غنه .. بوجوده المعيدين
حلمت اهواي
و خلصت العمر .. بالراحة تتحلمين
و بجيت اهواي
حد وشلة دموع العين
و صبرت بكد صبر ايوب
تاليهه سراب ..... و صفنة الميتين
شظل بالروح .....غير الحسره و الدمعات
و جروح مخزنه مالات عشر اسنين
ورد ذبلان يتمنه ..... مطر تشرين
بقيت اسال ...؟
لحد ساعة اثنعش بالليل
تجاوبني بخجل .. بالصوت رجفة موت
اريدن بس حبيبه
و كوخ مبني بطين ...