الشجره من تكبر
تجاعيد الغصن تولد ثمر
وهواي فوس
المادرت بچفوف اديها
چانت اغصان الشجر
الغيم من تشيله ريح
يسولف عله الگاع بحچاية مطر
وأنه دنيه همومي بذرات الگرنفل
من تخضّر بيّه تتسودن صبر
منين أجيبن روح ترفه
بگد ترافة عاشگ الساعة سهر
وروحي روجه
انباگت بعز النهر
الليل ما تضحك نجمته
الليل يستاحش اذا غاب الگمر
وأنه نجمه وليلي يكتبلي قصايد
غافيه بلون الهجر
الغربه مو غربة اقارب لو وطن
الغربه من تصير جامه
والتريده وياك يتغامز حجر
الماعرفني
لا يسولف بيه بلسان الجمر
النار بيّه بكثر ما شالت جهنم
وأكثر بحفرة سقر
جروحي من چانت زغيره
علمتها
بكل درس يعبر عليها
تشطب بدفترها قانون الغدر
وروحي فرّاشة ربيع
الماعرفني
خلّي يعرف جنحي حر
جنحي حر
Vian Albaghdady
رد مع اقتباس
المشاركة الأصلية كتبت بواسطة NO OR
