هنا

[Scrap]

صدام ماحكم بيوم وليله وسيطر لمدة 35 سنة
اول سلاح استخدمه ترهيب اقرب الناس اله وبعدها بده بالروس الكبار لان مثل ميكولون اكطع راس الحيه
و وراها شغلة الشوعيين وبعدها حزب الدعوة والمصير كله كان الاعدام واستفاد من حالة الاحزاب ....الشعب ماسكت والدليل محاولة اغتيالة بالدجيل والانتقاضة الشعبانية وعواقبها الي تسلطت اغلبها على فئة معينة من الشعب وحتى بحكمه كان اكثر تسلط ع اهل الجنوب اما باقي المناطق فكلهم عايشين افضل ...
فترة حكم استمرت لان استخدم الترهيب والقتل والتعذيب مع اتفاقي تماما مع استاذ قاسم من ناحية المسألة الخارجية

[الحجي شاهين]

رجال مات وراح دار حقه ليس جيبون طاريه ثاني شي جان هيبه العراق هسه احنه المراتب لائوله بوك ونهب وسلب اتمنى شوفون برنامج من الواقع وتعرفون العراق وين صار وين جان جان صدام ساتر ع ذوله المعمين الي بس بوك هيج عمامه ...ماشترية بربع الله يرحمة الصدام

هاي مال صدام الله يرحمة عندي ويها موقف طريف..
هاي ب2007 بالشتة والدنيا طين هستوة ماطرة وبيومها ابو النفط يوزع.. فاني اخذت برميلي وترست فأخذنا البرميل المتروس للبيت دفع اني وصديقي فالطريق لازم نمر من شارع حيوي كلة سيارات.. فأكو حفرة جبيرة ماخذة نص الشارع فالشارع يمها صاير كلش ضيق المهم احنة وصلنة لهاي المنطقة مال حفر وجان يكضنا الطين والبرميل صار صعب دفعة لان احنا كنا صغار ويادوب ندفع البرميل.. فبهاي اللحظات اكو سيارة ورانة عندة باجيرو اخر مديل.. صرعنا صرع بالهورن يريد يطلع واحنا سادين الطريق بالبرميل.. جان ينزل منها حجي و وبدال ميساعدنا كام يصيح بنص الشارع.. الف رحمة ع والديك صدام الف رحمة ع والديك صدام.. لو هسه صدام موجود جان هم يلاكيني برميل و اوكف انتظر هذولة الثولان..
اني هنا طكت روحي وكتلة اي والله لو موجود صدام جان هسه انت مريت من بصفنا بالبايسكل..
اشوو هذا كام يركض ورانة واحنا عفنا البرميل وشردنا

[Levai]

يصيح بنص الشارع.. الف رحمة ع والديك صدام الف رحمة ع والديك صدام.. لو هسه صدام موجود جان هم يلاكيني برميل و اوكف انتظر هذولة الثولان..
اني هنا طكت روحي وكتلة اي والله لو موجود صدام جان هسه انت مريت من بصفنا بالبايسكل..
اشوو هذا كام يركض ورانة واحنا عفنا البرميل وشردنا

[عمو ساكه]

بسبب الحكومة الحالية التي تحكم العراق او بالاحرى بسبب المافيا التي تحكم العراق المتمثلة بالاحزاب الدينية التي تسرق قوت الشعب
تحول البعض لابداء ررئيهم بصدام حسين
لان قبل اذا نكول حرامي واحد هسة عدنة الف حرامي

[رامي الاصيل]

الشهيد المفدى قائد الضرورة والعرب صدام حسين المجيد ( حفظه الله ورعاه ) حكم العراق بالترهيب والترغيب والسيف
والدم أكثر من حكم السياسة والتدبير للرفاه والتقدم و بحكم التاريخ فأن حكم السيف والدم هي الطريقة الأمثل لأمتداد
الحكم أكثر من المتوقع ( بالنسبة للمجتمع العربي الاسلامي ) بمثل حكومات بني أمية انذاك والعثمانية و جزء من العباسية
فالشاهد على حكم القائد الضرورة يعتبر زواله واسقاط حكمه من المعجزات مثل معجزة انتهاء حرب العراق مع ايران ليس
لعظمة القائد بل لتمادي الظلم و يتجاوز حدود المعقول من الانتهاك والتدنيس والتدليس بأكثر ما فعل القائد يزيد بن معاوية
( حفظه الله ) بالشعب المغلوب على قرار الاختيار بين السلامة أو الخنوع .. الظروف والعوامل المجتمعية الداخلية المتمثلة
بتفشي الفقر والمرض والجهل والظلم والخارجية الاقليمية والعالمية المتمثلة بتأييد وتمويل الحكم الجائر بدواعي طائفية بحته
او بدواعي المصلحه أجبرت تاريخ العراق ان يمتد حكم الطاغي لحتى التدبير لما بعده .. لا نبخس تاريخ نضال المجاهدين
المعارضين لحكم الطاغي عندما اجتهدوا بتقليض حكم الطاغي للأدنى بأكثر من عملية لولا المساندة المطلقة من الشياطين
العرب والغرب بأجهاض التحرر لنفس تلك المصلحة .. لنختصر .. امتداد حكم الطاغي المقبور ( حفظه الله ) أستمد
البقاء من الظلم و تأييد الظالمين له .. مثلما يحدث الان في كذا دولة عربية

[الحجي شاهين]

صدام ماحكم بيوم وليله وسيطر لمدة 35 سنة
اول سلاح استخدمه ترهيب اقرب الناس اله وبعدها بده بالروس الكبار لان مثل ميكولون اكطع راس الحيه
و وراها شغلة الشوعيين وبعدها حزب الدعوة والمصير كله كان الاعدام واستفاد من حالة الاحزاب ....الشعب ماسكت والدليل محاولة اغتيالة بالدجيل والانتقاضة الشعبانية وعواقبها الي تسلطت اغلبها على فئة معينة من الشعب وحتى بحكمه كان اكثر تسلط ع اهل الجنوب اما باقي المناطق فكلهم عايشين افضل ...
فترة حكم استمرت لان استخدم الترهيب والقتل والتعذيب مع اتفاقي تماما مع استاذ قاسم من ناحية المسألة الخارجية

صح القائد المهاب اكثر سيطرة ع الحكم من القائد المحبوب

[ليديا]

متابعة...

[CaSpEr]

هي خربت من صار ابن الشهيد ( العدمه صدام ) يترحم على صدام ويتمنى ان يرجع او كون ما معدوم...

تجربة شخصية

................
الي يتمنى من صدام ان يرجع فإني ما اكول عنه الا.......(هذا الكلام عن الي عمره زغير)..
وإذا كان المتمني عايش أيام الحروب او ايام الحصار فإنه بهاي الحالة كان تابع او ابوه او عمه او خاله للنظام ( رفيق وجماعته ) وهذا الرفيق كاتب على عشرات الأشخاص ومقدم عليهم بلاغ وانعدموا ، وهسه بهذا الوقت أهل المعدوميين جاي يبحثون عن الرفيق حتى يأخذون القصاص من خلال قتله

واكو أشخاص ما استفادوا بشيء من هاي الحكومة الحالية ( مثلنا ومثل الباقيين الي ما انتموا للأحزاب ) بس هو خله بعقله فكره او ذكرى بوقت صدام حلوه وجاي يتندم عليها بهذا الزمن البايخ ( طبعاً كلنا عدنا المئات من اللحظات الحلوة بهذاك الوقت بس لو نقارنها ويه العذاب والجوع والغربه جااا طلعت هاي اللحظات الحلوة مثل قطرة ماي بمحيط ولكن هذا المحيط مالح بشدة ) إلي فرضت الأحزاب السياسية تحكمها بيه وبشدة....

وإذا تريد السبب عن ترحم هولاء(..... ) لصدام فهو من ورا تبعية الأحزاب السياسية للدول الي انطتها فلوس (كتمويل) حتى يصير الحزب ذو غالبية كبرى مثل ماهو هسه...

كيفية القضاء على هاي التبعية

ما نكدر نقضي عليها ، بس هم الأحزاب تكدر ان تقضي على نفسها من خلال بعض القوانين الي جاي يسنونها مثل قانون ( 1.7 ) لانه مثل ما گال أستاذ سامر ان هاي القوانيين راح تسبب نقص بعدد الاحزاب المتواجدة بالساحة السياسية وهذا راح يسبب حروب واضحة بين الأحزاب المتبقية ( الاحزاب الكبرى ) لانه كل حزب يريد ان يكون قائد هذا البلد الثري

[رحيـــل]

كما يحكمنا القردة الان •

[دكتور جميل]

في أيام الرئيس أحمد حسن البكر انتعش العراق اقتصادياً و سياسياً و علمياً مما أدى الى استقرار البلد من الازمات ، في هذا الوقت أستلم صدام الحكم وهو الذي كان ذو نفوذ كبير في الدولة عندما كان نائباً لرئيس الجمهورية، استلم دولة قوية ، راسخة وذات امكانيات مالية هائلة. اعتمد على مكانته القيادية في الحزب ليرسخ اقدامه في السلطة المطلقة ساعده في ذلك المقربين اليه و بالفعل انفرد بالحكم. كان من الصعب التكهن بخطوته اللاحقة لذلك كان يهابه الجميع، كان قائداً عندما يجتمع بالقادة و فلاحاً عندما يلتقي بالفلاحين .
لم يسمح للدين ان يسيطر على مفاصل الدولة لغاية انسحابه من فخ الكويت، بعدها اقنعه بعض الشيوخ بأنه قائد الحملة الايمانية و عليه ان يظهر في التلفزيون وهو يصلي الامر الذي حيّر الكثير من القيادات العليا في الحزب فمنهم من انسحب من الحزب و منهم من هرب الى الخارج، كما ان القيادات الشيعية في الحزب احست بأنها خارج اللعبة وان قائدهم مال الى اهل السنة فاصابهم الاحباط .
من هنا انقسم الحزب الى قسمين و انقسم العراق الى شطرين وبات سقوط صدام أمراً لا مناص منه ، وهذا ما حدث بالفعل عندما دخل الامريكان العراق.
كانت نقاط قوة صدام :
١- حزب تغلغل في كل مرافق الدولة و حتى في الجيش.
٢- صرامة مطلقة و معاقبة حتى أقرب المقربين أليه إن أخطأوا.
٣- إشغال الشعب بالحروب .
٤- عدم التزامه بأي دين أو مذهب .
٥- ابواق دعائية داخلية و خارجية