اذا سئلوك عني ابيوم!_الشاعر حسين الساعدي
اذا سئلوك عني ابيوم! كلهم جنت أحبنه
جان اويه النفس وياي وانه الما أمل منه
جان ايضمني ويه الروح وانه ابروحي اضمنه
شاعر يكتب الاشعار بأسمي اسنين اعرفنه
أجمل ذكرياتي اشلون انساها وأصد عنه!
ما عافاني لحظه ابيوم وانجن إمن اعوفنه!
وبكعدتنه حته النار تطفه وتطلع الجنه!
لكن بالخميس الراح ما خلوني اودعنه!
حسبالك بديه النار لمن خلوا الحنه!
ياكحله البقت بالعين! وبدمع الأصبنه!
هلاهلهم قصف وتكول ياجرح الأفجرنه!
فزولي جرح مهموم بعد اشلون انومنه!
جبروني غصب والصار خلاني أكطع الظنه
صحت ابصوت يا هلناس محبوبي وأريدنه
محد يسمع الهل صوت وبكل حيلي اكولنه!
سديت النظر ضليت بس الدمعتي اتعنه
ياريت
الجواب ايكون
بس بالدمعه والونه!
عليك الله اذا سئلوك؟ كول اتمنى اشوفنه
كول اتمنه أشوفنه!
حسين االساعدي
رد مع اقتباس
المشاركة الأصلية كتبت بواسطة الراقصه على قبور الخونه
