يل كلش رقيق ونظرتك سيف ..
تگص كلمن يريد ايبـاوع اعليك ..
وك غطي الشعر من يجبل الليل ..
ويغتاظ الورد لو جبنه طاريك ..
ولك طگني الجفاف ورايد الماي ..
من شفتك اريد اشرب واكض بيك ..
تغريد البلابل چنه مو صوت ..
كمنجه أتگول مو حس الله منطيك ..
اخافن ينكسر من تمشـي عالگاع ..
واذا خصرك كسرتـه أمنين ادنـيك ..
نور الشمس وجهك يعمي العيون
أشلون اتريد اجي گبالك واحاچيــك ..
ويل عينك بحر وتغرّگ المـاي ..
المثلك صعب ياهـو اليجاريـك ..
واذا تبرد تصير خدودك الوان ..
وخجلان الشتـه ويريد ايدفــيك ..
ولك بردان وانه أويــاك موجود ..
اگص أجفون عيني وبيهه اغطيك ..
رد مع اقتباس
المشاركة الأصلية كتبت بواسطة prince karbala
