لأنك بألتزامك مو من اهلك
وأخاف تشيل ذنبي مو من اهلك
منو بگـدي يحبك مو من اهلك
ب* * *
منو بگـدي يحبك من عشرتك
وتمنه ايصير أصبع من عشرتك
أنه شكضيت خايب من عشرتك
* *
أعد بسنين عشرتنه وهي جروح
وأحس اويه النفس يطلع وهج روح
وخيرن گـتلي ودعني وهج روح
* * *
أروحن وين ما أگـدر هوى انته
وانه الماهان من أجلك هونته
إلي بدنياي شي واحد هو انته
* * *
وحرت بين انتركته ونتبعته
أنه الونيت والون ون تبعته
ماباعك حبيبك وانت بعته
* * *
حبيبك باع عمره واشترك بيه
وحزن گلبي أعله گـلبك واشترك بيه
بعد شدوس گـلبي واشترك بيه
* * *
جبل حبنه تگـلگـل لنتگـل بيه
يدنيه شما دفعتيه لنتگـل بيه
أذا تنساه يگـلبي لنت گـلبي
* * *
ولا اريدك بعد وبصدري أحملك
حبيبي شلون ترضه بصدرحم لك
واذا حملك يتعبك بصدري احملك
* * *
أنه روحي الأرض واشگد دولها
تداوي الداء لو بالمخ دولها
بس العين مايحصل دولها
* * *
دواها العين خلهه من تقربيه
وتصب كلما تشوفك وانت قربي
ولك شيصير حبك من تقر بيه
* * *
وتحبني انت يقين بصدري موشك
وألف شوكة سكوت بصدري موشك
انذبح گـلبي وتشضه بصد رموشك
* *
وعرف محد يدفنه وشي دفن شي
وعگـب صدري المواگـد شي دفن شي
كفر من رسم غيرك شا دافنشي
* *
واظن بالجنه يدخل من يرسمك
حبيبك يمسح اسمه من يرسمك
سمك حبي بجمالك من يرسمك
* *
وانه الليل بعيونك شفته كحله
وشفت شمس الأصيل وشفتك أحله
العسل من ضگـته گلك شفتك أحله
* *
أذن لو من شفاهك بستك اشفه
اذا انت المات يعدل بس تكشفه
شتظن حبك يضعف بس تكشفه
* *
وعلي تخفي اهتمامك وكتراثك
وأنه من مات گــلبي وكتراثك
نسيت( الحب الأول ) وكتراثك
* *
صدك ينسه تراثك هسه جيلك
ودشوف زواج عيني هسجيلك
أنادي وماتگـلي هسه اجيلك
* *
صحتلك( يا) وصارت(كبريائي)
وأذا رائيت بالشط (كبريائي)
حبيبي شلون تجرح (كبريائي)
* *
وتذلني گـبال كل ناسك وناسي
وعفتني بصحره شاتلني وناسي
وناس تگـول لاتسكت ونا سي
* *
لأن كلش مذلتي لاگـت الهم
وجبل حبنه المقدس لاگـه تلهم
گـالو حيل ذلك لاگـتلهم
* *
عنايه احتاج گـلبي وجاي اعاني
وخفيت شكثر عنك جاي اعاني
تمرمرني من ازورك جاي اعاني
* *
شكثر ندمان چـي بيتك عتبته
وعرفني الباب من دگته وعتبته
عتابي وياك چـي حبك عتبته
* *
گـلبي شبيك يمهم وك كسرته
اسير وذل شجالك وك أسرته
گـبل چـانت أسرتك وك أسرته وأسرتك هسه سمتني
الضحـــــــيه @ @ @
مع حبي واعتزاي إلى كل متذوق بالشعر الشعبي حيدر
رد مع اقتباس
