انه احط حچايتي حطت عباي
اعرف اليشريهه واندل سوكَها
وناس ماتعرف تحط ذيچ اعله هاي
وحتى ماتندل مچان حلوكَها
انه احط حچايتي حطت عباي
اعرف اليشريهه واندل سوكَها
وناس ماتعرف تحط ذيچ اعله هاي
وحتى ماتندل مچان حلوكَها
يكفيني فخر فرزنت الوجوه
وشفت ياهو الالي وياهو العليه
شفت كلشي بحياتي اشكال والوان
وحملت اهموم واهات واذيه
لكَيت اكَلوب ما مسها الزعل يوم
ولكَيت اعقول متحجره وغبيه
واذا غشني الوكت بهذا وبذاك
صح ندري الاصابع مو سويه
اصدك وامسح ادموع التماسيح
وارد اضحك جذب والبيه بيه
العمر جام وزماني ايشامر حجار
وحياتك موش كسرة مزهريه
من كضك سموم الصيف بجاك
منو غيري وكف وانطاك فيه
كتلك لا تحط بالغربه رجليك
نزيزه الكاع وإجدامك رخيه
وانته بكل غباء وقشمرة حال
صاير مهزلة صبح ومسيه
صفنت وداعتك بس ماصفنت اعليك .**!
صافن على روحي شلون حبيتك .؟
حاجيتلك سوالف
ناكعه بقرآن
وانت سوالفك
زيناتهن كفرة
أشمك ما أشمك أنت نعناع
أعرفك ما أعرفك أنت معروف
بس مو زحمة أذا نتوادع وداع
بس زحمة التودعه يروح ملهوف
ايييه
المفارك محب بعيونه تقره الشوك
بملامح وجهه ركز واضحه الفرگـــه
لتگله اشجره وشنهو الحصل وياك
من يحجي اخاف يموت بالحرگـــه
تدري شكد غلاتك ياضوه العين
بغلات آخر نفس عند اليغركون
يلمغيم هجر
مابيك مطرة شوك
اكـو غـيـرك جـديـد امـفـصل فـصـــال
وانـت شگــد قــديـم ومــا نــزعــتـك