هنا

[أنثى حائرة]

صديقتي المقربه واجهت مشكله لان هي طلبت مني احاجي ابن خالها الي تحبه وطبعا. اني مرفضت رحت وحاجيته والحجي يلي كلتلي يا صديقتي من دون اي مانع طبعا الولد عرف بنفسه واني رفضت اكول اسمي لان الولد من منطقه قريبه علينه وهم اهلي ميقبلون اسوي واني طلبت من صديقتي مدكول اسمي الحقيقي اله .. بعد فتره هو دزلي رساله وكلي باسمي الحقيقي بيها اني كولش استغربت رحت ثاني يوم للمدرسه سألت صديقتي كلتلي اسفه بالصدفه عرف مني واني دائما احجي صديقاتي وعنج واني اكثر وحده مقربه اليه المهم .....اني جنت احب شخص ع النت وطبعا. من ادرك انو الحب ع النت فاشل تركت الولد وهم جان من غير طائفه والولد هم اقتنع وتركنا بعضنا. من دون اي مشاكل وصديقتي جانت تعرف بالموضوع وجان ادكول لابن خالها السالفه وهم عرفت منها بلصدفه وتعاركت وهايه بعد فتره جان هو يدزلي رساله ويكولي انتي بنت فلان وهم يندل بيتنا بسبب صديقتي وهم يعرف اخويه اني تخبلت رحت حاجيت صديقتي كتلها هذا شاريد مني شعنده يتحرى عن حياتي جان ادكولي راح احجي كتلها لادكوليله اني خايفه لان هو يعرف كولشي ما اريده يحس بس صديقتي لا كلتله خايفه ..... بسببك ليش هيج سويت الولد دزلي رساله كلي اني ما اريد شي منج ومعندي شي وياج بعد فتره سافرت صديقتي لايران وابن خالتها مهندس ويحبها واهلها رايدينه للولد والولد هم يحب صديقتي بس صديقتي متحبه وهسا ابن خالها يعرف كولشي وهي قبل متسافر نهيت كولي بينهم وهم هو يعرف اني صديقتها المقربه وخايفه ينتقم منها بيهاذا اتزوجت ابن خالتها طلبت من صديقتي ادكول لابن خالتها اني ما اريدك ودكول لابن خالها اني ما اريد ابن خالتي علمود متصير مشاكل واني الاكلها بس رفضت وهسا اني بسبب مساعدتي الصديقتي ممكن اخسر كولشي ومااعرف شلون اتصرف

[Scrap]

خويه هاي السالفة يرادلها قسام شرعي لان انلاصت لو تجين الصبح حتى شويه نكدر نركز ومنو كال لمنو وهاي منو وهذاك منو

[هــــــمــــــســـــــة]

السالفة ما الج علاقة بيها لا من قريب ولا من بعيد بهل زمن تجي اوقات الاخت متساعد اختها عود انتي صديقتها المقربة ولتخافين متتأذين لان ما صار شي غلط هذا حسب فهمي للموضوع....

[Hani Yaqoub]

اولا شهل الصديقات الغبيات يعني ما يعرفن يضمن حجي اله يحجن عجيب والله
ثانيا الموضوع هسه ما بين ابن خاله وابن خالته ولو ما فهمت عدل لان صياغة الكلام خربطت دماغي
اذا هي ما تحبهم اوما تريد ترتبط بيهم او متريد واحد منهم خلص طز برايهم ولا تخاف مراح يطلع منهم شي ابد
اغلبهم بس هوبزه هيج لان اي شي يسوي تعبان ممكن هو يتاذه اكثر من البنت
اما انت ما عليج بملاحقاتهم وكذا طلعي من الموضوع حظري الحسابات مالتهم ولا تناقشين الموضوع بعد ويه صديقاتج ولا تجيبين طاري اله
والوقت يغير كلشي وينسي كلشي ومن يرسل رساله الج لا تردين عليه قبل حظر بعده
واي رساله يوصله بيد بنت غلسي عليه ا حتى البنت حظر
لا تشغلين بالج انت مالج دخل بقصتهم هاي صديقه وردتي تساعديه لا اكثر ولا اقل واهم شي ما حاذفه الرسائل

[سومر]

ويحبها واهلها رايدينه للولد والولد هم يحب صديقتي بس صديقتي متحبه
طلبت من صديقتي ادكول لابن خالتها اني ما اريدك ودكول لابن خالها اني ما اريد ابن خالتي

لان انلاصت لو تجين الصبح حتى شويه نكدر نركز

هوبزه هيج

[وسـام]

اتفق وية هاني
حظر لكل اطراف المشكلة وخلص انسي وهم بدورهم ينسون

[شيـروفـوبـيـا]

كما قال الشاعر : رب قولاً قيل في قولا خيراً من قولاً يُقال او لم يُقال

انا مربوط على التوازي وفيوزاتي معطبات حرام إذا فهمت شي
بس آخذلي قيلولة ساعة ساعتين و أرجعلج

[الملاذ الاخير]

نصيحة عامة : صديقك بهذا وكتنا لو على مالك لو عرضك لو مصلحة يمك
صح انتي غلطتي دخلتي نفسج بين صاحبتج وابن خالتها مدري كبلها
بس اني اشوف الافضل اذا انتي تخافين تطلع سالفة او تكبر تنطين علم لاقرب شخص الج من اهلج بحيث يتفهم الموضوع
وتبتعدين عن هاي السوالف اللي لا تودي ولا تجيب

لا حب ولا صداقة بهذا وكتنا .. كلها مجرد غايات ومصالح

اسف ع الاطالة

[qas!m]

رحم الله امرء عرف قدر نفسه ..
الثقة المفرطة بالنفس حد ( الهبل ) توقع صاحبها بمشاكل هو بغنى عنها
لعبك لدور الوسيط العاطفي برغم علمك عدم موافقة اهلك ... تصرف لا يوصف بالرجاحة
وهذا السبب اللي اوقعك بهذا المشكلة ...
الامر الى الان محصور بين صديقتك وابن خالها وابن خالتها ... ما لم يتطور وتدخلين انت لمشهد المشكلة باعتبارك .. ( فاعل الخير ) العاطفي ..
اقطعي تواصلك مع كل هذي الاطراف حالياً ... تعلمي الدرس جيداً ... وادعي من الله ان لا يتطور الامر سوءاً
واهتمي بدراستك .. اكثر

[NO OR]

قطعي علاقتك بصديقتك
بأي حق تحكي اله عن خصوصياتك؟!