هنا

[محمد الدون العراقي]

السلام عليكم ورحمة الله وبركاتة

نحن نعرف العراق اغلبة يكتب الاشعار والبعض يستمع
لان الشعر هو المعبر الوحيد عن حال العراق
والظرف الذي يمر بة العراق
البعض يستمع لة
للراحة النفسية او تقضية الوقت و و كثير من الاشياء
اليوم
حبيت اطرح موضوع عام ومستمر لكل الاعضاء الي يكتب الشعر او يستمع
للشعر
ستكون هنا مناظر شعرية بين اعضاء منتدانا
درر العراق
يعني عضو يكتب مقطع شعر الي بعدة يكب شعر مناظر الة
نتمنى تفاعلكم
وننتظر ابداعاتكم
تفضلو في التعليقات

[(ملاك الروح)]

افتتاح موفق

[نـايـا]

بالتوفيق

[مشكات]

فكره اكثر من روعه انتظر مشاركات الاعضاء حتى احاول ارد


اجمل تقييم

[محمد الدون العراقي]

شو محد أجاني ودك عليه الباب
ولاكلمه شلونك جتني من يمهم
شلون الكعدة تكمل وآنه ماموجود
معقوله الاحبهم صرت ماهمهم
يادنيا نسوني ونسوا ذاك الطيب
ولاجني هذاك الجان يحضنهم
لو بالزاد أغصن والله أعوف الزاد
أكولن ربعي يمكن لكمه ماعدهم

[ღ عِشق ღ]

غايب عني ولا ماناسي وانته اليمهم ميذكرونك

أيذكرونك من تصافح بس أتهد جفهم ينسونك

تدري وياي أشگد مقصر بگد ما منطي وما ينطونك

بگد جف الماسح دمعاتك وگد مسحت جفهم ماعونك

أرضه أترد وشايل راسك وأرضه أترد وأرضه أيردونك

وأرضه أترد مكسور الخاطر بس لترد مكسورة أعيونك

..يسعدني المرور والمتابعة هنا ..

افتتاح موفق

[علي الشمري]

يعني شلون مناظره !
تقصد مساجله
واذا كانت مساجله فلازم تحدد بشنو مثلا دارمي او ابوذيه او ومضات
وبهاي الحاله اكو قوانين للمساجله
اما اذا كان مجرد نشر مقاطع شعريه فأعتقد موضوع انشر ما يعجبك من قفشات موجود

شكرا لك

[محمد الدون العراقي]

من تمشي أشوفك ملك
بآلليل وجهك گمر
والصبح وجهك شمس
يلـ بيك كلشي حلـو
مرات من تبتسم
أتمنه من ضحكتك
أترس جفوفي ترس

[محمد الدون العراقي]

مو كلمن فتحلك باب يهواكك ....ولا كل من يكرهك بابة ينسد..
.
اكو مسدود بابة وقلبة مفتوح ..... وأكو مفتوح بابة وقلبة أسود

اذا طشيت صحبانك على الماي .... أثقلهم وفة الجواك يركد..

واخففهم يظل طافح على الراق ...يروح وية الجزر ويرجعة
المد ...
وأذا محتار سافر تعرف الناس ...منو يزت القطار ويوقف أزيد...

أكو تشدة بحبل ويقطعة ويروح .....وأكو بكلمة شرف عالسكة
ينشد..
وأكو بمشية قطارك عينة تحتار ...وبأخر لحضة وياك يصعد.
.
وأكو يشيل المحطة وية القطارات...ويدقهة على قلبة وصدرة
ينشد..

فرق بين اليعبدك بالمحطات..وفرق بين البناك بقلبة معبد....
ومو كل من ضحكلك منة ترتاح ..ترة ناب الضبع بكل ضحكة ينحد ..
ولا تحقد على كل من يبكيك ...أذا دمعك طفح صدقني تبرد..

البشر دلة ويفور بداخلة الضيم ...أذا يطفح دمع نيرانة تخمد..

ولا تحقد على الصعدو بلا جناح ...معروف الصقر لو جنحة ينشد

ومو كل من نزل يتسمى مذلول ... ولا كل من صعد يتسمى
أمجد ...
أكو صاعد رغم ما هوة على القاع ...وأكو نازل لو قمة يصعد ...

راسك منتصد أعلى من اليدين ...بس من السهل تتناوشة اليد...

أذا عندك جبل خلهم يصعدون ....فرق بين الصعد والراد يصعد ..

أكو يد الجبل لو هد الجفوف ....وأكو يهدة الجبل لو جفة ينهد....

وعلى المبرد كفر تنغر السيوف ... لأن سيف على سيف بقلبة
ينحد
وأذا عنهم رحل كلهم يخسرون ... شنو نفع السيوف بلاية مبرد...

وما يرحل كذب خاف يعمون ... ويضل السيف بقصبة ينصد...

أذا تعزف لحن ويذمك أنسان .... لا تقطع كمانك صعبة ينشد

مرات اللحن مايطرب الناس ...ومرات البشر أذاناتة تنسد...

ومرات اللحن تطربلة طرشان ...بس طبع الي يسمعك زور

يشهد ..
على البلبل يقلك منكر الصوت ...وأذا ينهق حمارة يصيح غرد...

أذا حكيك حكم وتخاطب الناس ...كل راس على قدة وياك ينشد ..

لأن روس البشر عكس الفراغات ...كل ما تنترس تستوعب ازيد ..
وأذا تحكي ويرد صوتك كما كان ... يعني اليسمعك فارغ
مجرد ...
صوتك ما يردة الراسة متروس ...لأن بس بالفراغ الصوت يرتد

وأذا ضيمك كبر لاتحجب العين ...وتشوف الدنية كلهة بلون أسود.

منو بهذا الوقت ما غيرة الضيم ....حتى ابيوم الأحد ماكو أحد ...

لكن لا تضل تحسب توابيت ...أنا قبلك علية صب أسود العد ...

أرفعت راسي وقفت احسب بالاعراس ..وعلى خشم السواد الابيض أمتد
ولو غثني الطفل من شفتة بالعيد ...يشل بجروح ثوبة ودمعة عللى
الخد
بس أني أفرحت لان جنتة الاطفل ..ومسح كل الدموع وراح عيد ...
علمنة الطفل يصبر على الضيم ...وطلع منا الطفل أيمانة أزيد...

أريد أطرح قضية وأنتم أسلام ....وأريد أسأل جمعكم وأطلب الرد ..
بنيتو شقد معابد كلهة على الارض ....منو البيكم بنالة بقلبة معبد..

ما أقول كفر لو قلت أيمان ...لكن مهزلة وما ألهة أحد .....

لثلاثة الملاهي مفتحة بالليل ...وبالعشرة الجوامع كلهة تنسد..

وبالعشرة الجوامع كلهة تنسد

[محمد الدون العراقي]

اسولف وي صوركم لمن اشتاك

واتخيل واكول وياي يحجون

اريد احجي بهمس وي الحياطين

يمتة من الصور كلهم يطلعون !!