درر العراق

فقد الاحبه · 1/August/2017

السلام عليكم

هواي بنات طلبوا طريقة عمل حمص بطحينة المضبوطة اليوم سويتة وحبيت اشاركة وياك حتى البنات يستفادوا
نجي للمقادير

لبلي(حمص) نكعتة من اليل واليوم ب4 طبختة خليتلة ماء بمقدار البلبي بعد ما فار خمس دقائق نصيت النار وخليت ملعقة صغيرة صودا وزيت قليل وفلفل حار وغطيت القدر بنايلون غذائي وتركتة ع النار هادئة جدا بعد ما نضج اخذت مقدار منه لعمل الحمص بطحينة
طريقة العمل
خلطت البلبي بالخلاط الكهربائي خلط جيد ما نبقي اي حبة ما مهروس وخليتة بصحن وغلفتة وبالثلاجة لمده ساعة
بعدها نرجع نهرس الحمص بالخلاط مع وضع مكعبات ثلج او ماء بارد وملعقة صغيرة لمندوزي ورشة ملح وزيت وراشي ونخلطهم جيدا حتى تتماسك جميع المواد
نضعة في صحن التقديم ونزينة حسب الرغبة اني زينتة بالزيت الزيتون والزيتون وهذا شكله النهائي