طوف بيه #
زيارة العاشك ثواب #
طوف بيه #
زيارة العاشك ثواب #
كل الليالي انگضت
بس ليلك شكبره
ياروحــي صار الدمع
مرسـات للعبره
دورلي يمك صبر
گلبي خلص صبره
لو ماي اعبرة بـ بلم
بس ليل شيعبره
معزتك تنعرف.. وتبين من اتغيب
بوجوه العفتهم تنرسم غربه
كلشي گلي ولا تسولفلي بوداع
هذا موسم شوگ مو موسم ضياع
مرني ..وبس شوف السهر
من بعد صوتک شكثر ضرني!!
أشتهيتک والدمع،
ما يشتهي الما عنده ذكرى..
ترافة..
وليل..
ودك ريحان..
يال أسمر لا تواخذنه
يلن.. كل دكة من حسنك..
شتل ريحان للجنة
ليالي..
ودك نحر حدار..
واحنه الشوگ ناحرنه
تحنن..
دوس..
فوگ الروح..
واحسبها علي منة
اطگن ورد،
من تجزي..
وألف نمام.. يتحنه
شجاك تغيرت وبگلبك انته شصــــار؟؟
جنت تموت بية وجنت تعــــــــــبدني
وجنت اتنفسك وانته الهـــــوه بدنياي
وجنت لو تبتعد لحظــــات .. تخنكني
معقولة الورد ينكر جمــــــــيل الماي؟؟
وانت بهالسهولة تنازلـــــــــت عني؟؟
ما أنكر مقصر إجت فـــــــــــــترة وياك
لكن مو بدية الوكت يجبرنــــــــــــــي
شسولفلك بعد؟ طعم السوالف راح
ردت منك توافي وخيبت ضنــــــــــي
التعديل الأخير تم بواسطة ღ عِشق ღ ; 25/November/2017 الساعة 11:12 am
آنه أحس روحــي
رساله مشگگه .. والريل ساعي
والمحطّات الغريبه تّبادلتنــي
أنشري وأنباع صوغه بكل محطّه
وما لگيت الفرّعت ظرفي وقرتنــي
آنه ملَّيت السچچ هاي الگريبه
أي گريبه
وفرهدت صبحيَن منّي
أرد أروح لسچّة الموت البعيده
الغافيه بچف السمه الچف الحنينه
الما طربها صّريخ ونَّــي
لوَّحت للسچه حيلي بچفّي شاره
وضوگتني شويه من موتي وجزتنــي
وذني حلوات السلف باكَوا كحلهن والرمد طش وترس كل عين وسعة
والعجارب ينكط بكل درب سمهه وعدنه محسود التلسعة فرد لسعة
والسهم نام عله جبد الكَاع يبني وحشمت وين الينزعة
والمراجيح التغني بعيدنه صارت مشانق والحبل محد يكَطعة
