اشعار وصور
للشاعر حسين الساعدي
طِر كَبرك حبيبي وكوم وياي
دز خَطابتك يا احله عاشق!
أمس عاتبت ابوي اتندم اهواي
وحلف بالله إذا ترجع يوافق!
--------------------
خاويت التعب والوالي مفقود!
بس حُب العزيزه ابكَلبي مزروع
طَريات وكمت قَويت الِزنود
ولا امي العزيزه اتموت بالجوع!!
ابشرك دَكَت ادفوف العواذل!
كالوا راح منه وهاي هيه
ودكتهم مثل ضرب القنابل
يعني الصبح متلَحك عَليه!!
مديرة مدرستنه اتهدد اهواي!
ورادت ولي أمري اشلون حيره!
لقبر أمي وأبوي امشيت عناي
عسى ايطلعولي الهاي المديره!
تعال احسب دمع والحاسبه اوياك
وإذا تَيهت بالعد عيد الدموع
صِدك يوم الخميس انحرم ملكاك!
عسى الخميس ما خلوه بالِاسبوع
وبهاي المواقف ! تنحجي الامثال
والمهره الاصيله ابطرك هالخيال
وبغيبة زوجها وتنحسب رجال
ولو تنلبس اكثر يحسبوها انعال!
اشوكت نرجع اطفال ونلعب العاب
ااشنسينه الما لعبناها ابزغرنه!
نِطب بيت البيوت اويه الهوى الهاب
وِنكَل للزمن وَكف عُمرنه!!!
لا تسألني حالي اشلونه يالون!
تعال ابدمعتي ارسملي ابتسامه
على اصدور الاباحه انزرعت اعيون
ومحد عاين الحال اليتامه!!!!
تنيتك عالبحر وي شمس الغروب
ازرعت عالروج همسات وهواجس
وصحت ابصوت من بحاته مَتعوب!
وعلى حالي بجت حتى النوارس
اسمعت عنك مريض وصرت دكتور
طَيبتك رغم كل المأسي
راسك طاب انته ومابقه ايدور
بس اني الطحت يوجعني راسي
تتوقع إذا ما تكتب اوياي
اتنازل ودزَلَك رساله!
لا والله إذاَ تبقى اعله هالراي
الغي الخاص احط مغلق بِداله
الوطن لو تبجي عينه لا تلومه
على المافرحت وضلت حَزينه
فدوه الها شلع كل الحكومه
هاي امنا العراقيه الحنينه
مع تحيات
الشاعر حسين الساعدي
منقووووول
1-صوت الوطن ::: انه الوطن اول حضارات الزمن اشجم نبي ابارضي اندفن كاع العراق امقدره ضمت العتره الطاهره بيها الوصي ابا الحسن انه الوطن اطهر وطن :::::::: صوت الجندي ::: كلنا الك فوك الارواح اندللك ياوطن وبيوم المحن انه وجهالي فدوه الك اعيوني تبقه امساهره زفة ورد للمكبره يخسى اليريد ايقاتلك انه وجهالي فدوه الك ::::::::: 2-صوت الوطن :::: عطرت كاعي ابهل ورد ابزودكم جيش وحشد كل غاصب ايطب الوطن سالم الاهله مايرد ممنون منكم يازلم ضحيتو كلشي والنعم ماهمكم الحر والبرد ابزودكم جيش وحشد :::::::: صوت الجندي ::: لعيونك ايهون التعب متحزم اويانه الشعب مانقبل ابغير النصر واحنه فخر كل العرب نفديلك اسنين العمر لدوم تبقى منتصر واترابك اغله امن الذهب اترابك اغله امن الذهب لعيونك ايهون الحزن ابشر ابولدك ياوطن ابشر ابولدك ياوطن حسين االساعدي
---------
رايد اروح وما ارد واكضي العمر ويه الحشد ذوله اليحامون الوطن بارض النجف شدة ورد __ رايد اكول احجايتي واشرح اهمومي ابدمعتي ماريد أدفه ابدنيتي والبرد يوجع بالحشد رايح اروح وما ارد __ اليوم اجيت احجي الشعر لجل العراق المنتصر نرفع علمنه ونفتخر واكباله كلنه نستعد واجمل تحيه للحشد اجمل تحيه للحشد
-----------
رد مع اقتباس
المشاركة الأصلية كتبت بواسطة محمد االبغدادي
