نقلاً عن أحد الاصدقاء هذا ما حدث في منطقة الحسينية ، وما كان فيها من سوء خدمات وما كرر من مطالب بأصلاحات عاجلة
قضاء الحسينية،شمال شرق بغداد"حسينية الراشدية"
عدد سكانه يقترب من المليون نسمه،مدينة اعتيادية،حالها حال بقية المناطق تقريباً أو أقل بقليل بالنسبة للخدمات لحد سنة 2003،بعدها بدت عملية تخريب ممنهجة..
مثلاً،مدينة كاملة كل شوارعها بيها تبليط،من وقت الامريكان لليوم،حفروا شوارعها يمكن اربعة مرات وتركوهن عالنص !تخيل شارع نظيف ما بيه شي,تجيك الحكومة تحفره وتخربه وتروح !شبكة المياه تدمرت من ورة عمليات الحفر،وبدون اي صيانة او ترميم لكل ما هو موجود اصلاً من زمان..
المهم،طلعنا تظاهرة قبل تظاهرات البصرة وساحة التحرير،استشهد عدنا شاب،قتله الجيش بمحاولته لفض التظاهرة باستخدام الرصاص الحي..
رجعنا طلعنا مرة ومرتين وتلاثة،بدون اي نتيجة
ياهو تحچي وياه يگلك ماكو فلوس !
رغم انه تم صرف مبالغ تجاوزت ال530 مليار على القضاء لوحده !!
اي والله،هذا الرقم مضبوط ومن مصادر رسمية هم،وكلهن انسرقن بجيوب السماحات واصحاب الشأن العالي وتيجان روسنا...
المدينة صار وضعها بائس لدرجة لا تطاق لا توصف،امراض غريبة،حشرات غريبة،حالات تشوّه بالولادات الجديدة،كل هذا بسبب الجو المترب والازبال الي بكل مكان
لذلك قررنا نعتصم بمدخل المدينة،هي تظاهرة تبدي الساعة الاربعة عصراً وتتحول الى اعتصام ليلاً،وننتظر تجاوب الحكومة المركزية والمحلية وي الوضع،ونشوف شنو نسوي من خطوات اضافية بوقتها .
وكانت هذه نتيجة الأعتصام
نتائج اعتصامات قضاء #الحسينية
شبكة المجاري الي توقف العمل بيها راح يرجعون يكملوها،وهي واصلة نسب انجاز عالية بيها.
تحديث وصيانة شبكة الكهرباء،لان عدنا مشاكل بالكهرباء غير المشكلة العامة ،يعني تجي ضعيفة غالباً وبأكثر من منطقة من القضاء.
راح يكملون مد شبكة المياه،بعدها يبدي تبليط كل الشوارع بالمدينة،الرئيسية والفرعية..
كذلك اكمال العمل بمستشفى الشهيد ضاري"حمادي شهاب" والاسبوع القادم يفاتحون وزارة الصحة علمود يكملون بناء المستشفى التركي داخل القضاء.
العمل على اكمال المدارس بالتنسيق مع وزارة التربية.
العمل على ان تكون الدرجات الوظيفية داخل المدينة لابناء المدينة حصراً.
تكون متابعة كل ما ذكر اعلاه،من رئاسة الوزراء،واللجنة التنسيقية المنظمة للاعتصام تشرف على كل شيء وتجتمع كل عشرة ايام برئاسة الوزراء،لاطلاعهم على المستجدات والمشكلات ان حدثت.
تشكيل قوة خاصة،لحماية الكوادر الفنية من الابتزاز والمساومات التي يتعرضون لها.
يتم صرف الاموال وتسليمها للشركات المنفذة مقابل نسب انجاز حقيقية .
كل ما ذكر اعلاه،تم التوقيع عليه،وتم صرف الاموال له ومن البارحة لليوم الاليات تدخل للحسينية لاجل المباشرة بالعمل.
كذلك اتصلت وزارة التربية وطلبت قائمة بكل ما تحتاجه المدارس ليتم تجهيزه.
شكراً لكل من دعمنا بكلمة
شكراً لكل الشباب المرتبين الي تظاهروا واعتصموا وكانوا مثالاً يحتذى به ونفتخر بيه
رد مع اقتباس
؟ يمكن مرة همين نشرتي مدري شنو عنها
المشاركة الأصلية كتبت بواسطة ^-^بطيخة^-^
..