صلب مثل الجبل بالشـــدّه منهزّيت
بس بُعدك عليه بهالـــــوكت هزنــي
جنت ليّه الاهل انت وجنتلي البيت
وبس انت الجنت بالدنيا عاجبــــني
وجنت انت التذوّب قلبي لو عـــدّيت
وأطيحن لو عيونك مرّه تنظــــــــرني
...جم مرّه الوكت يجرحني متــــأذيـت
بس زعلك عليه الجان يألـــــــمنـي
بشر غيرك أبد بگليبي ما حطــيّــت
وكل واحد بعد بالدنيا ما هـــــمنــي
شجاك تغيرت وبروحي ما خليــــت
بس حسره ودمع وجروح أذتنــــــي
جنت آنه الحبيب الما يزيحه الكـون
واحد هسّه زاحه شلون فـهمنــــي
تمشي گبالي تضحك منشرح وياه
ما عندك قصد كل قصدك تـغثنـــــي
مو صوجك ابد لا بيه كل الـصــــــوج
گلبي بهالمواقف هوّه اليحـطنـــــي
رد مع اقتباس
