السلام عليكم ورحمة الله وبركاتة
شلونكم ان شاءلله الكل بخير
البارحة جنت فاتحة اليوتيوب واني جاي اتصفح لحضت من ضمن المقاطع طريقة عمل مرق البربينتفاجئت من العنوان معقوله البربين الخضرة تصير مرق فما صبرت
دخلت ع الفيديو وشفت المقادير المطلوبة للمرق وطرق العمل شفته كلش سهلة عجبتني فكلت ما دام عندي المقادير المطلوبة خلي اجربه بصراحة هاي اول مره اسوية اكيد البعض يعرفة والبعض راح يتفاجئ مثل ما اني اتفاجئت
نخليكم مع المقادير وطريقة العمل
المقادير
باكة بربين
لحم
بهارات..نوم بصرة مطحون..فلفل احمر حار..ملح..سنين ثوم
معجون طماطة..وعصير طماطة
ماء اللحم
وعصير نصف ليمونة
ونص كوب عدس مسلوق
وبص مثروم
اول شي سلقت اللحم خليت ماء حار كلش وضفت اللحم وشوي بهارت وثوم وبصل قليل حتى تروح ريحه الزفره مالت اللحم
بعد ما نضج حمست اللحم مع البصل والبهارات والثوم وضفت البربين وحمسته بعد ما ذبلت وتغير لونة ضفت المعجون وعصير طماطة والعدس وعصير الليمون وخليته ع نار هادئة لمده خمس دقائق بعدها ضفت ماء اللحم قليل ما خلت هواي وقليل من الماء العادي وخليتهم ع نار هادئة حتى تنضج براحتة
وهذا شكلها النهائي
وهذا سمك
بصراحة كلش طيبة صارت وعجبت الاهل
وبالعافية عليهم
رد مع اقتباس
المشاركة الأصلية كتبت بواسطة رجل كهل
