أني أدري اليحجي يوصل للمرار !!
مره واحد جان يعزف...
واعلنو حالة طوارئ ع الأذن سوو حصار
ومره واحد جان ينزف.... واعلنو حالة سكوت!!
خذو راحو بصمة ايده.. للحزب ما منطي صوت
{{هيج واحد مانريده عوفه بالشارع يموت}}!!!!!
وهذا الأسلام الجديد الجاينه مسوينه حوت
يذبح الأسلام بيده ويرجع الوضع القنوت!!
حـــــــــاربو حته الرسول
....... ورادو تموت الرســــاله
والأسلام أرهاب أصبح.. شوهو صورة جماله
ومن كرهّم للرسول البيهم اليتمنه حاله
............................يخترع للزمن ألــه
لحضه لو يرجع زمان الهجره مايقبل تفوت
جــــا ركض للغار قبله وراح باكَـ العنكبوت
وهاي من فاتت عليهم من شعبنه انوخذ ثار
وأصدرو أول قرار...
عدمو العصفور في وضح النهار
وعدمو النه أخر فراشه
وكَالو المسكينه ماتت بنفجار
ومثلولك مسرحيه....
بيهه بس اطفال موته وقاتل ايلفه الوقار
وانعرض عالناس نصهم
كلهه رادت دور قاتل.. ياهو الأيحب الزغار؟
ويامراجيح المدينه شبيج ماتتمرجحين؟؟؟
لأن ماكو اطفال تمشي اتمرجحت بيج السنين
وانه مسلم خفت من كَالولي صلي
أسبــــل؟؟ أجتــف؟؟؟
لو أصعد أيد؟؟ أنزل ثاني أيد؟؟ وتاهت الحسبه عليه
وأخيرآ جاني حل الينهي كل الطائفيه
بكل بساطه امن ارد اصلي.. راح اكَص اثنين أديه
لـــــ الشاعر حسين الكعبي ـــ
رد مع اقتباس
