هنا

[ارجع يازمان]

محتاجينك محتاجينك
كون الحال اتشوفه ابعينك

جا صحت ابصوت الينهاب
كلا كلا للاحزاب

يمحمد صحنالك وينك!
محتاجينك محتاجينك

:::::::::::::::

يامولانه اسمع قصتنه
ونسولفها ابدمع العين

يمحمد باكو ضحكتنه
جتنه اوجوه المدري امنين!

هالدجاله الما رحمتنه
وباكو كلشي باسم الدين!

واحدهم
بالباطل يرضه
وما ضحو
للدين ابلحظه

وانته امضحي ابكل اسنينك!
محتاجينك محتاجينك

::::::::::

ماطخينه الراس ابجالك
ياهيبه وضد الهدام

هسه ابدمعتنه التبرالك
نشكيلك حال الايتام

احلف بالغيره التحلالك
محتاجيك الهل حكام

ياليث
الما طخ الراس
ضحه
ابروحه الهاي الناس

والفقره اليوم امتانينك
محتاجين محتاجينك

::::::::::::::

ماتكدر تنساك الدمعه
يادمعه التكدر تنساك

نتعنه الكبرك كل جمعه
حته انصلي الجمعه اوياك

حبيناك وانته الشمعه
يمحمد ضاوي ابملكاك

والكوفه
الضلت تتباهه
بيك واسمك ضل اوياهه

عنوان إوفيت ابدينك
محتاجينك محتاجينك

:::::::::::

ياصوت الكرار اويانه
وانته الرجعتنه الصوت

ياصبر احسين ابدنيانه
وما يتراجع من الموت!

ياغيرة عباس اهنانه
شفناها اوياك امن اتفوت

هيهات
الذله وطرواها
انته
امتجرمها ابمعناها

صار اسنين وما ناسينك
محتاجينك محتاجينك
حسين االساعدي

[M̲u̲S̲h̲T̲a̲Q̲ツ]

جزيت خيرا

[عمو ساكه]

[ارجع يازمان]

جزيت خيرا

شكرا لروعتك