ما بين الأمل و الخوف..متعلگة امنياتي
اتـأمـّل اشوفك يـوم..بـيـْه تبدأ حيـاتي
و خـايف لا گبل هاليوم..يخطفني مماتي
يوجه الله و حق صبرك
العُمُر مُظلِم بلا فجرك
و مثل ما يوسف و يعقوب
روحي الولهى تنتظرك
ولو مرّة بحلم مـُرنـي..يقُدسيّة صَلاتـي
يَـ قُرآن العشگ و جفاك..يَـتّم بسملاتي
****
كل يوم اليمُر و يروح..من عمري و يِنَقْصـَه
لشوفك يا حنيـن الروح..منّـي تـروح فُرصة
من دونك احس دنياي..غُصّـة تلاگـي غُصـّة
تصب محتارة من عيني
دمعتي تخط عناويني
و عقـارب ساعـة فـراگـك
ثگيلة و مِسْرِعة سنيني
سؤال انولد بيّه يدُور..يا تكوين ذاتي
وزّعني الحزن آهات..يمته تلم شتاتي
الشاعر مرتضى الشمري
رد مع اقتباس
المشاركة الأصلية كتبت بواسطة ابوعلي/
