أنه طير ..
امهاجر ابغابة عذاب ..
وللنبع كل يوم انادي ..
وللعطش كل يوم اصيح ..
راسي من يمتلي غيره ..
اجناحي هم يمتلي ريح ..
انه طير ..
امن الجنوب الشايل اذاره بجبينه ..
وكل ربيع ابطوله يمشي ..
نخله نابت ..
ويه كل ريح أحچي كلشي ..
انه طير اشما عليت أثگل ..
وأغني أمحمداوي ..
عاليالي التعبتني ..
وعالسنين الصارن العمري بلاوي..
وعله كيفچ ياسمه أوياي ..
أنه من الريح داوي ..
أنه طير ..
أعيوني من تجدح يشع بيهه الحنان ..
وأمي من توميلي بالطيف أمتحان ..
واصدقائي الرايحين أبلا زمان ولا مكان ..
أنتظر يمته يجون ..
ويجي واحد ..
أمنت حته الخيانه ..
وهوه مابي كل أمان ..
أنه طير ..
أمتاني سچينة ذبح ..
ودمي جدامي لگيته يقره بكتاب الصبح ..
جدي يحفرلي گبر يم أمي ..
ويگل للفلح ..
هذا أبن بنتي النهيته أمن المدح ..
رد مع اقتباس
المشاركة الأصلية كتبت بواسطة عمو ساكه
