اذا جرحك ملح وتلاوه ويه الأه ..
كابر عاليالي ولا تورج احد ..
وتحملهه بجلاده أهموم الأيام ..
وبالك لا تذل للبيك يتوعد ..
مريود الصبر رغم المرار البيه ..
ولو جرحك چبير وگلبك أتمرد ..
يفتر الوكت تدري الوكت ناعور ..
والدلو النزل لابد يرد يصعد ..
مايبقه الحمل للتالي مطروح ..
فرج الله اعله ساعه وبابه ما ينسد ..
أتحزم بالصبر شده وتمر وتروح ..
چم هم أبهظم عالناس راح ورد ..
مو عجبه الزلم تضايگ وتعتاز ..
وتذبح بعضهه ومنهه تتشرد ..
البعض تعگر رجلهه بصيحة الأه ..
وبعضهه انذال لاچن عالزلم تنعد ..
يصح واحد تحشمه يصيح عيناك ..
وي صوتك تشوفه أوياك يتحدد ..
ويصح واحد رعيع أيخاف من الصوت ..
ومن صوت التفگ لو ثار يتلبد ..
تنقاس الزلم بالعازه والكلفات ..
بساعتهه تعرف الزين والأسود ..
رد مع اقتباس
المشاركة الأصلية كتبت بواسطة رجل كهل
