دارميات بوصف الغدار- بقلم حسين الساعدي
دارميات الغدر!!
طعنه الجديده امنين بس الله ساتر!
تعلاكه ضهري وصار من الخناجر!
عاين ابظهري وشوف كل الحسافه
ما خله بالطعنات فسحه ومسافه!
اعرف طعنته اهواي متعلم الها
طعناته جنها الموت ماكو مثلها!
وَصل سبع طعنات ماكتله كافي
رته يمل ويشوف درب التجافي!
هو الغدر بالناس لتظن يوافيك
بالطعنه بعد الطيب يرجع يجازيك!
لا تامن الغدار يوم ابحياتك
رايح تذب اعيون من ذكرياتك!
ما يخطي بالطعنات ومدرب اهواي
طعناته عالمليم جاباهن اوياي!
لا تامن الغدار ياخويه اوصيك
يم الشماته ابيوم لازم يبجييك!
حلفته بالعباس صدكته اني
أول سبع خطوات ذبني ابمكاني!
مابعته جي غدار مو للمحبه
خافن اغش الناس واشبع مسبه!
حط خنجره ابمكفاي والطعنه كلفه!
حلفته بالعباس جا بيش احلفه!
حسين االساعدي
رد مع اقتباس
