حلم صوتك اسمعه اليوم ظليت
وعلى ذهني صبح يا صاح هاجس
ارحمني وتواضع لو.......كلمتين
ترا عكبك ابد ما عندي واهس
... ...
لا تفكير عندي ولا بقت احوال
ولا جسم بغيابك ظل ينافس
هاي احوالي بعدك يادوى الروح
مثل نخله وجذعها صار يابس
اسكيني بحنانك واروي هاالعين
وعاتبني ولا تخليني.....يائس
كل هذا الوصفته وبيه احس قصور
واحس لو يمي انته تصير حارس
حارس كلبي حارس روحي والعين
واحس دورك عبر دور.....الملابس
علم رايد اشوفك....لو يضيفوك
ارجع هسه......طالب بالمدارس
.................................................. .................................................. .................................................. .............................
شجاني وماحضنتك كبل متروح؟
عفتني وغيبتك صارت طويله
شجاني وماكلتلك ألله وياك؟
بقيت أنتظر ليلة بأثر ليله
رحت بس من رحت خلصت الدموع
...وشلت الروح بيدك فرد شيله
ونسيت الأبتسامه وفرحة العيد.
لأن ضحكاتي بغيابك صارت قليله
بعد هم عيني تفرح يوم ملكاك؟
لو جمعتنا صارت مستحيله!!
هاي عيوني عمت من يوم الفراك.
تكول يمرنه ؟ لو أحنه نجيله
.................................................. .................................................. .................................................. ..........................
يشيب الراس لاتمشي ويه خدي
عليه استعجلت وتريد تبدي
زغير وراح اعيش بطيف جذاب
انام احلم بعمري من جنت شاب
افز الكَه المرايه تصيح جدي
...يشيب انه استحيت من الهوى الهاب
يمر بيه ويظنّك حفنة تراب
صبغتك وادري صبغ الشعر جذاب
يزول من الندى كلما يندي
انه بعشرين عفته وعافني الشوكَ
لأن كل شيبه احسهه بعمري تبوكَ
بعد ثوب الفرح بالكبر ميلوكَ
وبس ثوب الحزن صار اعله كَدي
.................................................. .................................................. .................................................. .................................................. .................................................. .............................................
الك شامة بخت جوه الشفايف نور
سحر موشامه والله تغازل الشفه
والك حاجب يرف جن سعفة الميلاد
ورموشك عشيره وحاضره بزفه
الك عينين جنهه ولايت العشاكـُ
بيهن ماي زمزم واعتقد أصفه
وخدودك كـُمر ضون ظلام الليل
وياخيط النجيبه الخدك ايحفه~
لوع حالتي وخلاني اسير هواك
سمار البيك ايه ومنهو اليوصفه
يبو حجي العدل يمرتل الكلمات
طفل مفطوم يسمع صوتك ويغفه
يبو طول الحلو مابيك ابد لولات
من تمشي عزف وتمايل الدفه
بيا جفه اوزنك هالكثر مملوح
تدكـُ للكـُاع والله وتشلع الجفه
رد مع اقتباس
المشاركة الأصلية كتبت بواسطة شاكر زايد خليف العتابي
