هنا

[ارجع يازمان]

سرابك تعباني
***
ساعه اتخايلك تفديني بالروح
ساعه اتضحي بيه إويه القرابين!

وساعات الوفه البس منك ايفوح
وساعه ابركبتي اتحد السجاجين

مجنون انه اشوفك لمن اتروح
ونصير اثنينه ابجيتك مجانين!!

فصلتك الي الأهاتي والنوح
ويحسدوني اعله ملكاك المحبين!

مايدرون كلبي امترس اجروح
ودموع الفرح ما زارت العين!

ماغير الحزن وبدمعي مفضوح
دمعات الجمر بيها النياشين!!

الكاطع اسنينه وعفته مذبوح!
صاير سالفه ابنص الدواوين!

ماتدري الكطع ورداته ويروح
يترك طعنه بكلوب البساتين!!

مااكدر اقراك وكلشي ممسوح
وانته اولايه محتاجه العناوين!!

ايدي الرادتك ما تكدر اتلوح
ايدك يلبعيد اوصَلك امنين!

سرابك تعباني إوفحط الروح
كافي وانه ضيعت المشيتين!
كافي وانه ضيعت المشيتين!
حسين االساعدي

[عمو ساكه]

[ارجع يازمان]

شكرا لحضورك الاجمل

[كرار الحسيني]

الله جميل جدا

[ارجع يازمان]

الله جميل جدا

حضورك اجمل