...
اذا متريدني ومابيك جيه
ومامر بيك ضيم المار بيه
لاتخليني حاير بين الاثنين
لو اتانيك لو اتاني المنيه
انه اتمنى اگلك عايش بخير
بس المشكله مبين عليه
صح اشويه چنت اتشاوف وياك
بس الشفته منك مو شويه
گبالي العلي دور زلة السان
سولفت الي والمو اليه
سألوني ع گلبي وگلت خالي ..
وعشت احساس واحد لا ابالي
بس ماطولت ..!
عرفوني مشتاگ
من فكرت بيك بصوت عالي
انة لو مامرخص روحي وياك
وغلاتك ..
ماصرت هالكثر غالي
واضحك والفراگ يدور بيه
مدري ليا مذله ويا اذيه !
حيلي وهيبتي
ودمعات العيون
خلصن بس معزتك ذيج هيه
كبر بيه الصلح حد التواسيل
وانا ماحامله من جان نيه
شافو حالتي ربعي وتعنوك
ردو تارسين اذنك خطيه
حقك ..
مامجربها الحرامات
ولا خنگتك مرة المغربيه
ولا عايش احساس اليبچي بسكوت
تخنگ بدمع ويفضحك الصوت
گدامك بشر بسنينك يعيش
مو حقي من اگلك مشتهي الموت..
انا بأخر نفس ..
و اتحرك الباب
وتمنيتك انت ولا هوى يفوت
المهم خلصت القصه
وهاي هيج
بوشالة نظر وعناد ريه
ورقه مشگـگه من دموع العيون
وقلم مامستقر يرجف بديه
كملت القصيده وظل نقص بيت
اخر بيت تلگاه بالوصيه
عصام كريم
رد مع اقتباس
المشاركة الأصلية كتبت بواسطة محمد الدون
