درر العراق

ارجع يازمان · 9/July/2017

ذكر بتعليقك ياوصيه عجبتك من هذه الوصايا المذكوره باالمنشور؟؟؟؟
؛؛؛
وصاني ابوي وكال يوليدي اوصيك
بالك تخون ابيوم بالامنوا بيك!!
االساعدي

وصاني ابوي اشلون مايصفه حالك
لا تطرد الجوعان كون اشتكالك!
االساعدي

وصاني بالديوان ميزانك اوياك
اتوزن الجلمات وتذبهن اهناك
الساعدي

وصاني ابوي وكال قبل التزاميط
اتفرزن الزينين من الزعاطيط..
االساعدي

وصاني كال الزين عزة ابصفاته
واليذل روحه ابيوم شله ابحياته!
االساعدي

وصاني ابوي وكال ها يبني يحسين
حط البخت وياك وسط الدواوين!
االساعدي

وصاني ابوي وكال يوليدي احذرك
من تكسر المظلوم الله اليكسرك!
االساعدي

وصاني ابوي وكال هاك الوصيه
بالك تمر ابيوم باهل الرديه!
االساعدي

وصاني ابوي وكال تمشي ابرهاتك
ما تطخ راسك يوم بس ابصلاتك!
االساعدي

وصاني ابوي وكال دوس اعله حيلك
حط روحك اويه الموت واحفظ دخيلك!
االساعدي

وصاني ابوي وكال بالعازه اريدك
تكسرها لو للناس انمدت ايدك!!
االساعدي

وصاني ابوي وكال غمض عليها
اترك اعيوب الناس لا تحجي بيها
االساعدي

وصاني ابوي وكال وقع العريضه
كون البخت ميضيع وانته الفريضه!
االساعدي

وصاني ابوي وكال سمعني صوتك
موش الاجل نسوان تطرد اخوتك!
االساعدي

وصاني ابوي انوب عاد الوصيه
يوليدي خادم صير لابن الزجيه
االساعدي

وصاني ابوي وكال جمله المفيده
مال الحرام ابيوم بالك تريده!
االساعدي

وصاني بالجيران والكلشي بيهم!
لو ثارن الجيلات تشكف عليهم!
االساعدي

وصاني ابوي وكال كون المماتك
يوليدي ابد مايوم تترك صلاتك!
االساعدي

وصاني ابوي وكال لا تغدر ابيوم
طبع الغدر مذموم ويزيد الهموم!
االساعدي

وصاني ابوي وكال اقرأ الكتابه
اليدك باب الناس دكوله بابه!
حسين االساعدي