جفيت بلا سبب ياهو العلمك تجفي
جنت كبل الامناده الكاك ناطرني
هسه أنه أصبحت أوووه .. وأهووو .. شبساع !
خافن الملل خلاك تهملني ؟
تذكر من كلتلك أنه أموت أعليك
لا لا جذب مو أنت الجنت معني
جنت أقصد ولك محبوبي أنه وبس
لان أنت حبيب الناس يالمضني
أشوفك راقبيتك من بعيد بعيد
يلماخذ كليبي ومني ماخذني
تلوذ بكل كتر ميت عطش محروم
هاك أغرف نبع وأشرب دمع جفني
وأنت بكل صلافة تلوم بيه تكول
يبس زرعك وثمرك ماحوى المنِ
وأنه أسأل الغير المجدو بالكاع
طلع مو عيب الثمر العيب باليجني
رد مع اقتباس
