الحرامي والمعلم (سالفة ورباطهه)
اكو معلم مستلم راتب .. واجه للگراج يريد يصعد بالكيّا..
واكو نشال قديم بالگراج مراقبه ..
اول ما صعد سرق محفظته .. وصعدوگعد يمه !
بنص الطريق السايق گال اخوان جمعوا الكروة ؟
المعلم مد ايده أبجيبه ما لگه المحفظة !
نحرج ودمعت عينه احتار شيسوي ..
گال للسايق اخويه انا محفظتي انباگت
السايق ضاج وضل يحجي
طفر الحرامي الشهم ابو الغيرة وگال كروة الأستاذ واصلة !
كل الركاب شكروا الحرامي !
والمعلم التفت للحرامي بخجل ..
وگله الله يحفظك ويكثر من أمثالك ياشهم ياطيب؟
والتفت للسايق وگله شفت ياخويه ليش ماتصير مثل هذا الشهم
---------------------
رباط السالفة
شغلتنه بالعراق مثل قصة هذا المعلم
ندعو للحرامية ونحجي على الناس الي تطالب بحقها
رد مع اقتباس
المشاركة الأصلية كتبت بواسطة MUSH̃TAQ
