هنا

[دموع]

عزيزي السبب الاولى والاخير لا يوجد نظام في الدولة وكل من هب ودب يمتلك سلطة يستطيع الخطف و القتل و و .... قبل مدة خطف رجل صاحب شركة بورصة من قبل جهة........ لسيارات مظللة و أسلحة ووو بالآخير تفاوض وانطوا 750.000$ ... اين الدولة اين النظام

للاسف أنتشرت هاي الحالات بالفترة الاخيرة والسبب ماكو نظام يحمي هذولة الناس

[دموع]

طبعا لا بس هذه العصابات متحب تشوف شي حلو بالعراق . واني اتكلم مو حبا بكرار نوشي لاوالله ولا احبه بس ما اريده يموت وهو حر يسوي شعره يلبس الي يعجبه بس هي والوضعيه فالته والعصابات تصول وتجول

اكيد هو حر يسوي شعره يلبس الي يعجبه
بس عقول تعبانه هذا مو سبب يخليك تقتله
بس للاسف كان الفنان كرار وغيرهه
ضحية وانقتلو لاسباب ميقبل بيه لا قانون ولا شرع

[Levai]

اني عرفت هذه الشعب مصلحجي من خلال هذني المقطعين لاحد علماء الدين
1ينتقد بيهه هكذه شباب
فيديو من الفيس بوك
وهذه المقطع الثاني بعد مقتل الشاب كرار نوشي
فيديو من الفيس بوكنتشرت صور كرار في السابق على صفحات التواصل الاجتماعي لغرض السب والسخرية !
وسبحان الله .. كل من كان في التعليقات يحرض على قتله ويسخر من منظره في السابق اصبح يعارض الصفحات التي قامت الان بنشر خبر قتله ... داعش في داخل كل انسان يحث على قتل غيره لانه لم يعجبه بطريقة ما ! كفاكم جهلا ! افعلوا ما شئتم واتركوا الناس تعيش !! فبتعليقك المحرض انت وانتِ ستشجع على سفك دماء احدهم وستساهم في ازهاق روح !
ما دمرنه غير الدين
كلهه بذمت علماء الدين ولاحزاب الطاغيه !

اللة هو يجازي العباد علئ اعمالهم يوم القيامة وليس البشر اكو حديث يفسر بان اللة لا ينظر الئ اشكالهم او ملبسهم بل الئ قلوبهم واعمالهم هناك الحساب عند الملك العادل الجبار الذي لا يظلم عندة احد -- الجريمة باسم الدين مستمرة والمعممين هم من يتحملون هذه الجرائم لانهم نشرو الجهل باسم الله وقوانين الغاب باسم الله حتى اصبح الفاسد يسرق باسم الله والقاتل يقتل باسم الله وضيعوهه علينه اني ما اقصد الكل بس البعض منهم جهله

أليكس انت هنانه تناقض نفسك بنفسك ..
اولا : السيد بالفيديو الاول انتقض من هيج نوع من الشباب وما صرح وكال اقتلوا هاي الفئة وابقوا ع ذيج يعني انطى رأي بالنسبه له عن هكذا فئه من الشباب وهذا الشي مسموح يعني هسا اني لو جنت سامر يصير عادي اجي واكلك ترة رمزيتك مو حلوة بس ما يصير اجي واحضرك لان فقط رمزيتك ما عجبتني صح لو لا .. السيد انتقض من شكله لكن مصرح بقتله .

ثانياً : انت تكول الاشخاص بمواقع التواصل الاجتماعي كالوا خلي يقتلونه .. وانت اكثر مني تعرف انو الان مواقع التواصل الاجتماعي بلا قوانين ولا مراقبة للتعليقات يعني حتى الجاهل والصغير يكدر ينطي رأيه وانت تجي هنانه تأخذ برأيه .

ثالثاً : انت جاي تتهم اتهام واضح بلا دليل الشخصيات الدينية رغم ان كلهم يرفضون بالسر والعلن القتل من هكذا نوع .

المقطع الإول يگول بالخط العريض"امشي اطلع" كأنما الإرض بأسمه وبإسم الفقهاء حتى يطرد بكيفه
الي اعرفه النقد يكون نقد"بناء" مو تهجّم ( امشي اطلع، امشي منا ) ومن گال (، اذا ما عاجبك الله ) كأنما طلعه كافر بنظر العامّة يعني مرتد وشي طبيعي السيد ديحلل قتله بطريقة غير مباشرة .. اقوال هذا الرجل وامثالة خلت المجتمع العراقي ينزل لهذا المستوى من الإنحطاط الفكري ، اليوم شاب بعمر الورد ينقتل علمود تسريحة شعر!! ... علماً انّه حتى مو مثلي(كونه من المثليين كذلك مو سبب لقتله) ..
لو إن رِجال الدين يتركون حشر انوفهم بالحريات الشخصية للناس والشباب "ع وجه الخصوص" چان حافظوا ع دينهم نقي وبصورته البريئة وما وصلوا سمعته للمستوى هذا

كرار حاله حال ناهض وهواي قبله انقتلوا لإسباب تافهه ، التدعش بالفِكر آفة دتاكل بالعراقيين وللآن مقابلين يعوفونها.

اولا : السيد كال امشي اطلع وما إلى ذلك يقصد بيه الاسلام لان تعرفين انو الاسلام قطعاً يرفض هكذا امور سلبيه وما كال اطلع من العراق لو اطلع من المحافظة فماكو داعي تنقلين كلام ما كاله هو .
ثانيا : السيد ما حلل قتله ولا بأي طريقة ما اعرف كيف انتي حللتي هذا الكلام .
ثالثاً : واجب رجل الدين يحذر الناس من امور تافه السخيفة التي تضر بفكر المجتمع وافراده وهذا لا يعد خرق لخصوصياتهم مثل ما تكولين.

[Levai]

وهذا رديفي موضوع اخر نفس موضوعج اختي DRyoBE
- في يوم من الايام شاهد النبي ابراهيم (عليه السلام) اثنين يعملون الفاحشة فدعى الله عليهم بالهلاك
لكن الله اوحى إليه وقال (دع عنك عباديّ يا إبراهيم اتريد ان تشاركني في حكمي انا ربهم وهم عبادي وانا اعرف ماذا افعل بهم)

- الامام علي (عليه السلام) قال (لو رأيتُ اثنين يزنون لغطيتهم بثوبي)

حتى لو كان خاطئاً في تصرفاته مادام لم يؤذي احداً فليس لنا السلطة بالحكم عليه , ما اوحاه الله إلى ابراهيم وما قاله الامام علي دليل ع ان الله هو من يحكم ع العباد بالقصاص في حالة لم يظروا الناس .
لكن من فعل هذا بكرار ومن مثله كان يود مشاركة الله في حكمه او يعتبر نفسه إلهاً .

شكرا للنقل DRyoBE

[هــاجــر]

اليكس… وكات…


كلامكم درر

[Ćat]

أليكس انت هنانه تناقض نفسك بنفسك ..
اولا : السيد بالفيديو الاول انتقض من هيج نوع من الشباب وما صرح وكال اقتلوا هاي الفئة وابقوا ع ذيج يعني انطى رأي بالنسبه له عن هكذا فئه من الشباب وهذا الشي مسموح يعني هسا اني لو جنت سامر يصير عادي اجي واكلك ترة رمزيتك مو حلوة بس ما يصير اجي واحضرك لان فقط رمزيتك ما عجبتني صح لو لا .. السيد انتقض من شكله لكن مصرح بقتله .

ثانياً : انت تكول الاشخاص بمواقع التواصل الاجتماعي كالوا خلي يقتلونه .. وانت اكثر مني تعرف انو الان مواقع التواصل الاجتماعي بلا قوانين ولا مراقبة للتعليقات يعني حتى الجاهل والصغير يكدر ينطي رأيه وانت تجي هنانه تأخذ برأيه .

ثالثاً : انت جاي تتهم اتهام واضح بلا دليل الشخصيات الدينية رغم ان كلهم يرفضون بالسر والعلن القتل من هكذا نوع .




اولا : السيد كال امشي اطلع وما إلى ذلك يقصد بيه الاسلام لان تعرفين انو الاسلام قطعاً يرفض هكذا امور سلبيه وما كال اطلع من العراق لو اطلع من المحافظة فماكو داعي تنقلين كلام ما كاله هو .
ثانيا : السيد ما حلل قتله ولا بأي طريقة ما اعرف كيف انتي حللتي هذا الكلام .
ثالثاً : واجب رجل الدين يحذر الناس من امور تافه السخيفة التي تضر بفكر المجتمع وافراده وهذا لا يعد خرق لخصوصياتهم مثل ما تكولين.

من تحچي مع العامة ، لازم تراعي عقولهم ، انت مدتحجي مع طبقة وحده تگدر تفهم كلامك ، بيهم الإُمي والغير مُتعلم ، وهواي من إلي يفسرون الكلام بمنظورهم همه ، فإول خطأ وگع بيه حضرته التكلم بهجومية وإنفعال ، وذكرت سابقا النقد وحتى الحاد منه ما يصير يكون تهجمي وبهاي الطريقة ومن إنسان اله تأثير ع طبقة واسعه من المجتمع"للإسف"


...........
حللت كلامه من عن الله والدين ، واضح جداً انه ديلمح ع إنو هل النوعية من الناس"خارجه عن الدين" ( ما عاجبك الله)! .. ولو ركزت بكلامي چان عرفت إنيّ گولت انه حلل هل الشي بطريقة غير مباشره.
.......
تحذير الناس وتحذير الناس ، صار واجب رجال الدين ، اوكِ وياك .. لـكن من تتهجم ع إنسان وتنتقص من شأنه بحجة "تحذير" هنا نگولك لحظة يآب، شأنه الخاص ، يلبس يسّرح يسوي اي شي بنفسه هو حُر مدام ما اتعدى ع أحد او اضر بمجتمع"مثل متگول حضرتك" هو لا قتل ولا فجر ولا سرق ..ألخ ، هو حتى ما حرّض على الفساد الاخلاقي .. فشلون حكمت ع تصرفه بالفساد؟! على اي معيار أستندت!.. دول العالم اجهضت هل الإفكار من زمان واحنه للآن نشوف بالتسريحة والجينز"فساد"! .

[رامي الاصيل]

الاغتيالات السائدة الان لشرائح معينه من المجتمع تقودها عصابات لجرائم منظمة بتخطيط خارجي شأنها شأن عصابات داعش
بأسلوب اخر وتندرج من ضمن الأساليب المخابراتيه لزعزعة الوضع الداخلي .. و بس الله اليستر

[Ćat]

اكيد هم يحاولون يغيرون الشباب بالكلام والنصائح فقط .وهذا ما يعني انهم حرضو على القتل
المشكلة اكو ناس تفهم الدين خطأ ويتوقع انه من يقتل هذولة الشباب هو مسوي فد شي زين لا هذا اكبر خطأ وهاي مشكلتنه ما عدنا ثقافة دينية
ودائمآ نلوم رجال الدين

إذا چانت النصيحة ع هل الشاكله من التكفير والتهجّم لعد داعش صنيّعة عراقيّة بحته
بكلامه هذا ساهم بالقتل ، هو أشعل الفتيل .. انطى الإشارة واهل الغيرة ما قصروا /:
ع طاري الثقافة الدينية ، رجاءٍ خلينه جهّلة بالدين ، إذا نرجع لإحاديث نبي الإسلام عن هل القضية تلگيه يگول "لعن الله المتشبهين بالنساء ..الى آخرة" واللعن اكيد الطرد من رحمة الله .. واللبيب بالاشارة يفهم.

[Levai]

من تحچي مع العامة ، لازم تراعي عقولهم ، انت مدتحجي مع طبقة وحده تگدر تفهم كلامك ، بيهم الإُمي والغير مُتعلم ، وهواي من إلي يفسرون الكلام بمنظورهم همه ، فإول خطأ وگع بيه حضرته التكلم بهجومية وإنفعال ، وذكرت سابقا النقد وحتى الحاد منه ما يصير يكون تهجمي وبهاي الطريقة ومن إنسان اله تأثير ع طبقة واسعه من المجتمع"للإسف"


...........
حللت كلامه من عن الله والدين ، واضح جداً انه ديلمح ع إنو هل النوعية من الناس"خارجه عن الدين" ( ما عاجبك الله)! .. ولو ركزت بكلامي چان عرفت إنيّ گولت انه حلل هل الشي بطريقة غير مباشره.
.......
تحذير الناس وتحذير الناس ، صار واجب رجال الدين ، اوكِ وياك .. لـكن من تتهجم ع إنسان وتنتقص من شأنه بحجة "تحذير" هنا نگولك لحظة يآب، شأنه الخاص ، يلبس يسّرح يسوي اي شي بنفسه هو حُر مدام ما اتعدى ع أحد او اضر بمجتمع"مثل متگول حضرتك" هو لا قتل ولا فجر ولا سرق ..ألخ ، هو حتى ما حرّض على الفساد الاخلاقي .. فشلون حكمت ع تصرفه بالفساد؟! على اي معيار أستندت!.. دول العالم اجهضت هل الإفكار من زمان واحنه للآن نشوف بالتسريحة والجينز"فساد"! .

- من اشوف ابني يتصرف تصرفات خاطئة واضحة شي طبيعي راح انفعل (تعرفين انو الحوزة تعلم طلابها ع ان جميع ممن يحبون الله هم ابناءها) وبعدين هو نصح ما صرح (الدين نصيحة)
- طبعا خارجة عن الاسلام لان هذا تشبه الرجال بالنساء وهو من الامور التي حُذرنا منها والانصياع خلفها وهي احدى علامات ظهور الامام المهدي (عج)
- هو كان فنان ومحب لوطنه شفت احدى الصور إلي كان راسمها وكيف يعبر عن الطفل العراقي بطريقة محزنه لكن هو حرض ع الفساد بطريقة غير مباشرة من اتبع الامور الخاطئة وخالف اوامر الاسلام .. إلا اذا كان بعتقادج مخالفة اوامر الله والسلام ليست فساداً
(واذا قلنا لهم لا تفسدوا في الارض) تكدرين تبحثين عن معنى كلمة فساد في هاي الآية .

وبالنهاية ترة صحيح اني جاي انتقد كرار لكن ما يعني انو اني موافق ع قتله بهاي الطريقة الهمجية لا اني معترض جداً ع هكذا تصرفات لا تحمل سوى معنى اخر للأرهاب والفساد
لكن اكو فرق بين انتقاد شخص وبين الحكم عليه .

[Levai]

إذا چانت النصيحة ع هل الشاكله من التكفير والتهجّم لعد داعش صنيّعة عراقيّة بحته
بكلامه هذا ساهم بالقتل ، هو أشعل الفتيل .. انطى الإشارة واهل الغيرة ما قصروا /:
ع طاري الثقافة الدينية ، رجاءٍ خلينه جهّلة بالدين ، إذا نرجع لإحاديث نبي الإسلام عن هل القضية تلگيه يگول "لعن الله المتشبهين بالنساء ..الى آخرة" واللعن اكيد الطرد من رحمة الله .. واللبيب بالاشارة يفهم.

رجال الدين ليسوا مسئولين عن التصرفات والفهم الخاطئ لكلامهم من قبل "اهل الغيرة" ع حد قولج
واذا كان كذلك فالسبب كله للرسول محمد (ص) لانه نشر الدين الاسلامي وجعل الناس يقتلون بعضهم بعضا بأسم هذا الدين
داعش مثال واضح للفهم الخاطئ .