ياشاعر يوصفك!!--الشاعر حسين الساعدي
معروف الكمر فوك ويضوي الكاع
انته أول كُمر والكاع شايلته!!
,
أوصفك بالشعر يا واحة الأبداع!
اسمك بالقصيده وروحي عاشكته
,
اجفوفك مدارس خوه ما تنباع
بس العنده غيره اوياك سجلته,,
,
اخوة يوسف اشكد؟ والزمن خداع
وانته الوَحَدك وحسين ما عفته!
وَصاك الوصي وذاك التعب ما ضاع
ابروحك احسين ونعرف ابقصته!
,
ابيوم الطحت وياك طاح ابساع
صاح انكسر ظهري وصعبه سالفته!
,
السهم الإجالك! جان الك فزاع
مو قصده يصيبك ! دولباه وَكته!
,
راد اينام بعيونك لكاهه اوساع
ياعين المضيف الهسه شايلته,
,
ياشاعر يوصفك !والقوافي انواع
صوتك يبقه واصوات الشعر سكته!
,
الغيرة البلنفس ما تنشره وتنباع
ياكافل الغيره الضلت ابُخته,
,
احسين السفينه وانته بيها اشراع
ونوبات البحر هم التصير ! اَنته
,
هذا يافرات المايجيك ابساع؟
بس عطشان جان ورحت شَربته
بس عطشان جان ورحت شَربته
حسين االساعدي
رد مع اقتباس
المشاركة الأصلية كتبت بواسطة FREKAIN
