شمشتاكلك يابو العيون الماطيحن كحلة للشاعر رائد أبو فتيان مكتوبة 2017 . شمشتاكلك يابو العيون الماطيحن كحلة للشاعر رائد أبو فتيان تحميل صوت MP3
شمشتاكلك يابو العيون الماطيحن كحلة للشاعر رائد أبو فتيان فديو 2017
شمشتاكلك يابو العيون الماطيحن كحلة
مخليني مثل الظل عدل وحدة ويموتون أهله
هسة أنتة مارايد تجي خليني أجذب ع الخلك
مو ياهو لي يسالك علي وتكلة ما أرجعله
شسويت بية بفركتك ؟؟
يميزوني كمت من الوجع .. دمعت يتيم بحفلة
عندك علاقة وية الدوة
تكرهني وموصي علي
جربته كله بغيبتك والعلة نفس العلة
غركان وأنة بغرفتي والماي ماطخ ثوبي
ما أختلف ع البالجرف
بس هوة مخنوك بنهر وأنة بصور محبوبي
من جنت أجرحك تقترب معجب جنت باسلوبي
وأنة أدري ليش تغيرت
جامد وما أنحب صرت من صلحيت عيوبي
وكل الرسايل خلصت وديتلك حبر أبيض
أمسح الغثك وأقتنع زين أنتة بس صوج الحظ
وأرجع .. أرجع واذا عودي كبر
لتكول متعافي ترة
مرات من كثر الوجع جتف البنادم يعرض
وتسولفلهم عالوفة وأنة أبو خدود الثكلة
يبين جذبها من الصدك لأحباب لمن تفترك
وأحد يخبل ع الهجر وواحد يخوف شكلة
شكد ناس تانتني ومشت
الماي صبح غيم وأنة أنتظرك
رادوني روجة ومارحت وبقيت ملح أبرك
يالتارس ضلوعي فشل
شكد جنت محتاجك حظن من باوعتلي بظهرك
بين الكلوب الفاركت لدروب شمرة نية
بس أنتة شيجيبك علي
بالشوك ماعندك عرف خاطر تهم بالجية
البلبل المتربي بقفص
مايغث روحة اعلى الغصن مافاهم الحرية
شناقصني .. ما أدري
المهم بجفاك اليباوع علي من كيفي احس بالفشلة
مفشلني مثل البالحرب
يجازونة حسبالة بنصب
تاليها بديار الغرب حاير يضل بالبدلة
من الدنيا طبيت اشتري وشفتك وماكلت السعر
بكلشي أشتريتك بالندى بروحي بصفار أوراقي
لكطة وركض بيك أركضت وباقيلك تصيح علي
بس اني من كثر الفرح ماخذت منها الباقي
يمدني روحي اعلى الكبر
جيتك محمل عافية ورديت بس بأخلاقي
ومن بعد كل هذا صرت وحداني
وذولة اليمدحوني كبل صحبانك وصحباني
مابيهم الكلك شلون تخونة ؟
الخلاك تنسة مرايتك وتمشط اعلى عيونة
بس هو موصوجك ترة
الكلب يتمركص ع الاياذونة
ياكلبي دكلك ثاية
الوادم تراها تشيطنت يالنيتك مصلاية
مثل وياهم من تحب وأحسب لكل حجاية
كلهم نمت من العصر
مشغول ولكالك عذر
الملهوفلك كله أنتظر
بس تضعف يعوفك ترة اليركض وراك هواية
وانت .. انت وية ربك عايفك
رب .. ويحن ع العافية مو على العايف خلة
شيسامحك وانة انتجي
مارجعتني امشي عدل عملة فراكك عملة
يومين حاسبهن وأنة
ماجني أعرفك من سنة
جنك بالاول صاحبي وكاظيها نفس الرحلة
شمشتاكلك يابو العيون المايطيحن كحلة
تحميل Mp3
فديو
<span style="font-family:arabic typesetting;"><font size="6">
رد مع اقتباس
