تزوجي رجلاً لا يود ٱن يغير ٱي ٱمر بك .. يحبك كما ٱنت
بمزاجيتك و جمال عفويتك .. رجلاً يحب مبادئك و ٱفكارك
يحتويك و يحترم عقلك .. وإلا فلا تتزوجي
تزوجي رجلاً لا يود ٱن يغير ٱي ٱمر بك .. يحبك كما ٱنت
بمزاجيتك و جمال عفويتك .. رجلاً يحب مبادئك و ٱفكارك
يحتويك و يحترم عقلك .. وإلا فلا تتزوجي
كوني في المقدمة تاركة خلفك جميع من ٱساءوا الىٰ عقلك و طموحك
متجاهلة فوضاهم و ٱحقادهم و نظراتهم الثاقبة نحوك
كوني ٱكثر ٱهتماماً بحاضرك و غدك
أكشفي عن وجهكِ يا صديقتي ، وجهكِ الجميل هذا ليس فضيحة ، ولا يخدشُ حيائكِ ، ولا يُعتبر مثلبةً عظيمة تلحقُ سقطةً بشرفكِ وأخلاقكِ ، هذا وجهكِ ، وإن إنتشار صورة وجهكِ أمر طبيعي فهو هويتكِ ، أنتِ إنسانة ولكِ كيانكِ المقدس ولكِ وجودكِ في هذا العالم ، ووجود مهووسين في هذا المجتمع تنتفخُ عروقهم غضبًا عندما يرون إبتسامتكِ الأخاذة وأنتِ تحتفلين بيوم تخرجكِ ونجاحكِ لا يعني أن وجهكِ فضيحة ، بل إن عقولهم قبيحة ، قبيحة جدًا حد القرف .
عزيزتي ليلى٬٬
الغناء ليس حراما٬ والرقص ليس عيبا٬ والضحك بلا سبب ليس قلة أدب٬ والجمال ليس فتنة٬ والحب ليس إثما٬ والحياة ليست سجنا. غني وارقصي واضحكي وتزيني وحبي وعيشي ولا تأبهي لشرقٍي بائسٍ كل مسرات الحياة في نظره جريمة.
بمسلسل the good doctor چانت أكو علاقة بين دكتور جاريد ودكتورة براون وچان بيها إستنزاف للطاقة و المشاعر لطرف واحد طبعاً يعني تقريباً علاقة حب من #طرف_واحد ، دكتور جاريد يحب دكتورة براون وواضح وياها كلش بمشاعره ، أما الدكتورة بروان تحبه وما تحبه ، لازمة العصا من النص وما متأكدة من مشاعرها تجاهه ، من يكون مزاجها بمبي وحلو يكون بعيد عنها ومن تكون واگعة بمشكلة تتذكر إنه أكو شخص أسمه جاريد يحبها ، جاريد مرة من المرات طلب منها إنو ما يعلنون عن علاقتهم بالمستشفى لحد ما يتأكدوا من #مشاعرهم تجاه بعض، براون طبعاً فسرتها إنه إنت تستحي مني وخايف على مركزك الوظيفي كجراح مقيم وتعاملت وياه بنشافة وجلافة لأنه علساس ما يقدر مشاعرها ، ومرة من المرات أكو دكتور جراح بغير قسم بالمستشفى تعدّى عليها ومثل الي تحارش بيها بحجة ديشاقة وياها بس هي اعتبرتها حركة مقززة ، وحتى تطلع من الموقف حجتله للجراح المتحرش إنو هي مرتبطة و إنه تصرفه مو لطيف وحچت لجاريد إنو يشوفله صرفة لأنه بينهم علاقة ، جاريد راح #ضرب الجراح الثاني وصارت عليه عقوبة وچان رح ينقلوه من المستشفى ، براون بهذا الموقف تذكرت أنو هي عدها حبيب ولجأت اله ، بحفلة جمع التبرعات اشتغلت اغنية وگاموا يرقصون عليها ، جاريد سأل بروان : أنو هاي #الأغنية تذكرچ بشي ؟ ، براون ما متذكرة ولا يمها السالفة ، جاريد گال ألها هاي أول أغنية سمعناها سوية بأول مناوبة إلنا بالمستشفى بس إنتي ما تتذكرين لأنه أني إلي أحبچ بس وأني الي أهتم بهيج تفاصيل وأنتي أصلاً ما تتذكرين هيچ تفاصيل لأنو أصلاً ما تحبيني ، وعافها وراح .
#رباط_السالفة شنو :
أكو ناس علاقاتهم وية بقية الناس مبنية عالمزاجيات ، اليوم شو طاخة ببالي أحبك ، وورة يومين أنت ما تعنيلي شي ، يتذكر على #المزاج إنه أكو شخص بحياته باللحظة إلي يحس إنو هو وحيد بس ، يتذكرك لأنه خايف من يومه يبقى فارغ مو لأنو صدگ يحبك ، ما يتذكر تفاصيل تنطي طعم ومعنى لعلاقته وياك ، ولا مهتم يعرف شنو تحب وشنو تكره ، مرات تحس نفسك أنت الطرف الي يبذل جهد ويصرف حب ومشاعر بشكل مفرط حتى تقوي علاقتك بشخص وتربط نفسك بيه وتتعامل وية كل التغييرات وتتعب وتتكأب ويصير عندك إحباط لأنو الشخص الي گدامك #بارد ومو مهتم بيك ولا بمحاولات تقربك منه ، هو يحب وجودك ما يحبك إنت ، يحب إنو هو الطرف المستفاد والي ياخذ منك ما ينطيك ، كونه الطرف الأناني المسيطر الي يحصل منك مشاعر إهتمام وحب ودعم معنوي ومادي بدون ما يبذل أي جهد أو ينطيك مقابل .
لا تضيع مشاعرك على إنسان ما تحسه يحبك من كل گلبه وما يبادلك نفس مشاعر الحب والإهتمام الي أنت تنطيها أله أو يردلك إياها أضعاف مضاعفة ، إنت في غنى عنه ، ألي ما يثمنك لا تثمنه ، ولا تكون إحتياط بحياة أحد مهما #چنت تحبه ، كون بالمكان الصح بالوكت الصح مع الشخص الصح أو لا تكون نهائياً فد شي عادي كلش والدنيا ما وگفت على أحد ، هذا الشخص ألي أنت مهتم بيه وهو أصلاً ما معبرك روح شوفه شلون مهتم بواحد ثاني وهالواحد هم ما معبره .. وهكذا ، هي هيج ماشية هليام ..
الإهتمام الزايد والحب من طرف واحد والمشاعر الي تنصرف على شخص ما يريدك وما مهتم بيك أصلاً يخليك تخسر نفسك وتاكل وحل ، وتعيش بقلق وكآبة ويصير عندك ضغط نفسي وتگوم #تكره حتى نفسك ، الحل مرات بسيط كلش .. أنك تنچب شوية وتقلل من العاطفة وتدوس على گلبك وتوصل لمرحلة من البرود واللا أُبالية المطلقة ، مرحلة أنو تصير نذل وسافل والكل يتجنبك ويخاف يتقرب منك ، الغامض المبهم ، هالشي ميجي بيوم ويومين ، يتطلب وقت طويييل حتى يجي الوقت الي تنسلخ من عاطفتك الزبالة الي مسوية وضعك زبالة هيج ، وتتخلى أو تنسى الناس الزبالة الي ما مقدرين وجودك بحياتهم ، وتحافظ على قوتك وعقلك وتركز على نفسك وأحلامك #الخاصة وتعيش مرتاح الى الأبد
بس دكتورة براون ضغطت على المشفى من خلال اقامة دعوى على الدكتور المتحرش وحتى اتصلت ببعض الدكتورات المتدربات اللي تعرضن لنفس الموقف ... من اجل جاريد ..
لان هي بلحظتها ما اتخذت موقف صارم تجاه الامر .. الا من موقفين موقف جاريد وموقف المريضة بطل حيلي عليها .
بهاي الحالة الرباط يدين براون ويصفق لجاريد لو اني مشتبه ؟؟!!
لا ما مشتبهالمشاركة الأصلية كتبت بواسطة راهب
حواء بهذا المسلسل مشكلة ...لا ما مشتبه
من مديرة المشفى الى براون الى الدكتورة الشكرة الجديدة الى زوجة مدير قسم الجراحة ... الى ام التحليل ..
يمكن الكاتب متعارك وي مرته ؟؟؟
بعيداً عن الرباط.. قريباً من الزمن النفسي للمُبتلى بهيج محنة
سورين العزيزة: خلي نتفق أنو حتى الحب الي يجي بعد صراع و طريق طويل من المعرقلات و الحواجز المُدمية يكون بلا طعم.. و الطرفين رح يحسون بالغثيان من بعض أو ماينجح حبهم بعد أن أجتمعوا سوة وعاشوا..
أكو تشوه رح يصيب الطرفين خلال سعيهم بالتغلب على الممنوعات الي تُزج بطريقهم.. فبالنهاية من يلتقون ورا مايحطمون هالمسافة. يكتشفون أنو هم مو هم, و الي حبوا مو نفسه.
تخيلي جندي داخل لمعركة و خلال هالمعركة يفقد ساقه.. يستنزف فطرة النظر للأشياء, فبعد المعركة يطلع شخص ثاني
حتى البنت رح تتشوه نفسياً, الأشياء الي جانت معولة عليها رح تفقدها خلال هالرحلة الصعبة- رحلة الوصول للمُشتهى.
الأمر ماينطبق على المصلحة فقط أو الإنجذاب و التعلق من طرف واحد فقط/ إنما كلشي يجي بصعوبة رح يصير بلا طعم
ههههههههههههههههههههههههه ههههه
رد مع اقتباس