اول شغلة يناقشوك بيها لمن تطالب بالمساواة هي عبارة :"يله حتى تخدمن بالجيش " .
اولا اغلب دول العالم الي تطبق حقوق الانسان ما عدها جيوش .. و اذا عدها جيوش فهي جيوش تطوعية بيها متطوعين من كلا الجنسين .. لأن الحرب اساسا منافية لحقوق الانسان
ثاني شي .. الحرب اساسا منو مسويها ؟ يعني هي اصلا مو معاركنه .. المرأة في دول العالم انضمت للجيوش الدفاعية مثل ما شفنا الجنديات السوريات والكرديات و جندياتنا العراقيات في تكريت وامرلي ..
لكن المرأة مو سبب بأي حرب هجومية .. على شنو دتقاتل بمعركة هي اصلا رافضتها .. هذي معارككم انتو ..
بعدين احنه بمجتمع ما يسمح للكل يروح للجيم حتى يمرن عضلاته .. و صايرين سيح بدفعه ننشمر .. و لا مسموحلنه بأعمال تقوي بنيتنه الجسمانية ..
هسة اذا بنت رادت تشتغل بناءه احد يدز عليها ويشغلها ؟
اكو بمنطقتي امرأة نجارة وندافه .. عادي نگدر اذا سمحتلنه الفرصه نتدرب ونقوي جسمنا ..
اي صح ما عدنا هرمون ذكري ..يسوي عدنا عضلات. . بس لويش اصلا دنتعارك ؟ هذي الحروب كلها مو خيارنا ولا النه رأي بيها ..
و حتى الرجال الي ما ترغب تروح للمعركه .. هسه يعني كل الرجاب دتقاتل؟ .. كل الرجال بالجيش؟
طبعا لا .. لان من حقه يختار يعيش .. من حقه يستمتع بالحياة ..
رفضي للمشاركة بأي حرب هجومية ما اله علاقه بجنسي .. اله علاقه بإنسانيتي و بس ..
بس بوقت ما يصير هجوم على مدينتي .. ضروري نكون كلنا مستعدين ندافع عن انفسنا ..
وهذا الشي صار .. رجالا ونساء فدوا آمرلي و تكريت بأرواحهم .. من دون تدريب .. قدموا نفسهم على ضعفها ..
و انتصروا ..
لا تتوقع الجيش بيئه ما تتحملها المرأة بصورة عامة .. بس اي شخص كاعد بالبيت .. لا ضاربته الشمس لا عنده لياقه ما يكدر يكون قوي بالقدر الكافي. .
و اساسا الحروب هسه مو سيوف ومبارزة .. كلها اسلحة عن بعد ماكو مواجهات بدنية
حتى الاسد تتغير طباعه لما يتربى بالبيت مو بالغابة ..
رد مع اقتباس
المشاركة الأصلية كتبت بواسطة #الحجي
