كل عام وانتم بألف صحة وسلامة اولاً
قبل سنه تقريباً أتهمتني طليقة عمي وقالت انها شافتني اراسل شباب واكلمهم وروح معاهم وشيء قوي والله العظيم اجت كذا فجأه وقالت فلانه فيها وشفتها بعيني تسوي هالشيء وانا والله العظيم حتى ما اطلع من البيت كثير الا للدوام وارجع للبيت والمناسبات الاجتماعية وامي قالت واجهيها وطبعاً واجهتها قدام كل اللي اعرفهم وقلت احلفي بربك انك شفتيني بهالشيء المخالف لشريعة ربنا وحلفت يمين كذب ياجماعه ورب العرش الكريم انها حلفت كذب انا ابتسمت ابتسامة ودعيت عليها وقلت حسبي الله ونعم الوكيل جعلك كل ماتولدين طفل يطلع مريض او معاق وربي يبليك بمرض ماتلقين له علاج وربي العظيم كنت وقتها مقهوره من الظلم ومرت وكذبت على اهلي وتمشي وتتكلم عني وتقول فلانه سوت هالشيء ، مرت الايام وسبحان الله تحققت دعوتي عليها وابتلاها بمرض عازلها عن العالم وجابت 4 بنات معاقات عن الحركه والكلام لا أخفيكم اني تأثرت بهالشيء وعاقبت نفسي اني دعيت عليها مهما كان انا ما ارضى اني اُبتلى بهالمرض كيف غيري !! وطلبت تشوفني حتى تعتذر مني وتطلب العفو وانا رفضت اقابلها وقلت لها الله لا يسامحك ولا يحللك اتهمتيني بعرضي على بالك الشرف لعبه وهي فعلاً راحت وقالت انها ظالمتني ودخلت عمامي بس عشان تشوفني وتعتذر مني قبل لا تموت على قولتها وتوفت الله يرحمها ويسامحها ويعفو عنها! انا ياناس قلبي يعورني على بناتها مالهم ذنب ليتني مادعيت ، ماني قادره اسامح نفسي على الدعوه دايم اتذكرها وادعيلها ، احساسي بالذنب اني يتمت بناتها بسبب دعوتي بوقت غضب وقهر وألم قلبي على الدعوه اللي دعيتها .. ضميري يأنبني دائماً على البنات ، حتى نفسيتي والله تعبت من كثر التفكير وتأنيب الضمير ومحاسبة النفس ، الله يجزاكم خير اللي عنده حل لمشكلتي يقولها .. لأني سويت كل شي عشان انسى الدعوه بس ماقدرت !
رد مع اقتباس
