................
وأتخيلك نجمة عشگ تبقى على طرف هلالي
والنايبات اشگد قسن ماغيرن باحوالي
ليهسه ورسومك حرز ومعلگات ابالي
واصبر واگول المارجع يرجع وقشمر حالي
واحلم واعيش وما أكلّ واتحمل او ابقى ابّود
واسهر وواعد بالچذب وانتظر من ثغرك رد
وامشيلك بلهفة گبل من چنت اباوع عل الخد
واتعثر بجدم الهوى وانهض ابروحي او اشتد
والماحسبته بروحتي وچنت احسب ابعمري اشگد
لمن رحت يم شجرتك بس ضلك وماكو احد
وارجع وجر رسن العشگ من مهرته وضل خالي
مجبور أعنها ارويحتي والجم نبض دلالي
وارجع المطلع ماگلت
واتخيلك نجمة عشگ تبقى على طرف هلالي
(هنا يمن چنه وچنت )ماحسبت بالتالي
انت بگبر تشتم هوى وانا الهوى چتالي.
رد مع اقتباس
المشاركة الأصلية كتبت بواسطة دكتورة وطن
