مساجله جديده
بين
حسين الساعدي ومريم حسين
***
جابتني روحي اليوم عتتني يمك
​كتلها وين انروح؟ كالتلي باسمك!
مريم
-
اهلا وسهلا بيج صبحية العيد
لجلج لغيت اليوم كل المواعيد
االساعدي
-
تذكر ابجنه وجان؟ قصة هوانه!
كلبي البقه وياك رده المجانه!
مريم
-
اذكر بعد والروح من راحت اوياج
ما ردت الهل يوم! ما ترضه تنساج!
االساعدي
-
عال الزمان اهواي ويانه كلش
واشكد بنينه احلام هو اليفلش!
مريم
-
مو بالزمان الصوج جلمه ارد اكلج
جيت ارد اخطبج عود ماقبلو اهلج!
االساعدي
-
ماقبلوا اهلي ابهاي وانه ادري بيهم
صدكني بالدمعات واعتب عليهم!
مريم
-
ما تنفع الدمعات وتأذي العيون
اهلج هذاك اليوم خلوني مجنون!
االساعدي
-
عوف العتب يحسين جيت أرد اعايد
طبع السماح ايلوك ويه السواعد!
مريم
-
عفنت العتب والعين كفت دمعها
بشريني روحي اشلون هسه ابوضعها!
االساعدي
-
روحك ابروح الروح ماكو اغله منها
شنهي الجره وهاليوم تسئلني عنها!
مريم
-
هليله ليلة عيد ومهَود الجروح
وافرح اذا مريت وترجع الروح!
االساعدي
-
جيتك والك روحين عيديه مني
روحك وروحي انوب بيدك هذني!
مريم
-
ما فاطر اويه الناس واكلي ابمكانه!
صدكت هسه العيد من شفتج انه!
االساعدي
-
صدكني انته العيد وعيوني الاثنين
من شفتك ارتاحيت واحلف بالحسين
مريم